دواین هەواڵ

2024-07-12 ​ ٩ ناوەندی بیری( تینک تانک) ئەمریکا دەڵێن: ئێران لە دروستکردنی چەکی ئەتۆمی نزیک بووەتەوە 2024-07-09 بەهۆی ھێرشێکی ئیسراییلەوە، پێنج کەس کوژران 2024-06-25 کوردستان نابێتە کەرەستەی پڕۆژە و پلانەکانی بەڕێوەبەرانی دەوڵەتی ئیستیعماریی ئێران ڕاگەیەندراوی PAK سەبارەت بە شانۆگەریی هەڵبژاردنی سەرکۆماریی ئێران 2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند

ڕاگەیەندراو

ژینگەی نیشتمان، گۆڕەپانی هێرش و بەرەنگاریی نێوان ئێران و کوردستان

08/08/2023

 

 

ژینگەی نیشتمان، گۆڕەپانی هێرش و بەرەنگاریی نێوان ئێران و کوردستان

   ژینگەی کوردستانی داگیرکراو لە گڕی پلانە سیستەماتیکە کۆڵۆنیالیستییەکانی تاراندا نوقمی ئاگر و دووکەڵە.
سرووشت و ژینگەی کوردستان لە نێوان تێکدان و پاراستندا، بووەتە گۆڕەپانی ململانێی نێوان دەوڵەتی داگیرکەری فارس و کوردستانی لەشکان نەهاتوو و راهاتوو بە خەبات و بەرەنگاریی. ئەو هێرش و بەرەنگارییە بەستێنێکی دیکەیە لە پێکدادانی نێوان ناسیۆنالیزمی رزگاریدەری کوردستانیی و ناسیۆنالیزمی پەلاماردەر و هەوسارپساوی ئێرانیی.
   فیداکاریی ژنان و پیاوانی ژینگەپارێز و بەهاناوەچوونی ڕۆڵەکانی نیشتمان لە دوور و نزیکەوە بۆ دامرکاندنەوەی ئاگرێ دوژمن لە ماڵی بەرداوین،دەریدەخەن کە خاک و ئاو و دار و بەرد و زیندەوەرانی ئەم سەرزەوییە بەشێکن لە ناسنامەی نەتەوەیی کوردستانیی و خەڵکی ئەم وڵاتە کەونارایە بە ئازاردانیان ڕا نایەت. 
    هاوکات لەگەڵ داگیرکرانی کوردستان بە هێزی لەشکریی و تاڵان و تێکدانی ئابووری و سامانی نیشتمانی و بەردەوامی ۱۰۰ ساڵەی ئاسمیلاسیۆن و دەستکاریی دیموگرافیا و لێدان لە پێگەی خێزان و پلانی سیستەماتیکی داماڵینی دەسمایەی کۆمەڵایەتی لە تاک و کۆمەڵی کوردەواریی، پەلاماردانی ئێکۆسیستەمی کوردستان، وەک بەشێک لە «فەتحی» نیشتمانی ئاگری و ئارارات و زاگرۆس و بڕینی هەموو هەناسەکانی ژیان و بەرەنگاریی، ساڵ بە ساڵ توندتر دەبێت.
تاران تێدەکۆشێ کوردستان بە مرۆڤ و ژینگە و ئاسمان و زەوییەکەیەوە، دەستەمۆ بکات و بۆ هەمیشە بیخاتە ژێر ڕکێفییەوە. بۆیە لە پاڵ کوشتن و ئێعدام و تیرۆر و بەکۆڵبەر کردنی مرۆڤەکانی، پەلامار دەباتە سەر سرووشت و ئێکۆسیستەمەکەی.
   دەوڵەتی داگیرکەر، بە هەناوی پێدەشتە بەپیتەکانی نیشتماندا، رێگای لەشکریی لێدەدا؛ سەربازگە دروست دەکات؛ لە دڵی دارستان و لووتکەی چیاکاندا بنکە دادەمەزرێنێ؛سینگی چیاکان هەڵدەدڕێ و حەشارگەی هاژەکی لێ ساز دەکات؛ رێگا و بانەکان مینڕێژ دەکات؛ گڕ لە گیانی دار و بەرد و مەل و زیندەوەرەکان بەردەدا؛ کانیاوەکان کوێر دەکاتەوە و ئاوی رووبارەکان دەگوێزێتەوە و تینوێتی بەسەر زەوییەکاندا دەسەپێنێ.
     ئاگرتێبەردانی دارستانەکانی کوردستان و تاوانی سیستەماتیکی تێکدانی ئێکۆسیستەمی ئەم نیشتمانە و خوڵقاندنی کارەساتی سووتاندنی هەزاران دار و درەخت و زیندەوەر، تەنیا رشتنی رق و قینی کوێرانەی دەوڵەتی داگیرکەر بە خەڵک و خاک و خۆڵی نییە؛ بەڵکوو بەشێکە لە پرۆژەی دەوڵەتی داگیرکەر بۆ پرۆسەی سووتاندنی رۆحی خۆبەدەستەوەنەدان و تێکشکاندنی ئیرادەی بەرەنگاریی مرۆڤی کورد.
    بەڵام بەپێچەوانەی خەونێ کە تاران بە کوردستانیەوە دەبینێ، زامی پەت و سێدارەکان و ئازاری گوللـە و ئەشکەنجەی رۆڵەکانی و سووتانی داربەڕووەکان و هەڵقرچانی مەل و باڵەندەکان، بیری ئازادیی یەکجاریی و ئیرادەی رادانی داگیرکەر لەسەر نیشتمان و وەدەستهێنانی سەروەریی و بنیاتنانی دەوڵەتی کوردستان، بەهێزتر دەکات. سەرەنجام ئەوە دار بەڕووە بریندارەکانن لە پای سەربازانی داگیرکەر دەئاڵێن و رێی دەربازبوونیان لێ دەگرن؛ ئەوە رووبارەکانن بنکە و بنیاتەکانی داگیرکەر هەڵدەلووشن؛ چیاکانن دەبنە هەڵدێرگەی هێزەکانی دوژمن، ئەوە مەلە شاباڵ سووتاوەکانی ئەم نیشتمانەن نەغمەی ئازادیی دەچڕن و سەرەنجام پاش هەموو زامەکان، ئەوە کوردستانە بەسەر داگیرکەردا سەردەکەوێ.
پارتی ئازادیی کوردستان PAK
١٧ گەلاوێژی ٢٧٢٣ کوردی
٨ ئاگۆستی ٢٠٢٣ زایینی

سەرەوە