دواین هەواڵ

2024-07-12 ​ ٩ ناوەندی بیری( تینک تانک) ئەمریکا دەڵێن: ئێران لە دروستکردنی چەکی ئەتۆمی نزیک بووەتەوە 2024-07-09 بەهۆی ھێرشێکی ئیسراییلەوە، پێنج کەس کوژران 2024-06-25 کوردستان نابێتە کەرەستەی پڕۆژە و پلانەکانی بەڕێوەبەرانی دەوڵەتی ئیستیعماریی ئێران ڕاگەیەندراوی PAK سەبارەت بە شانۆگەریی هەڵبژاردنی سەرکۆماریی ئێران 2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند

کوردستانی

ڕاپۆرتی دیداری تایبەت لە نێوان کۆمەڵەی شۆڕشگێڕ و پارتی ئازادیی کوردستان

08/09/2023

 

ڕاپۆرتی دیداری تایبەت لە نێوان کۆمەڵەی شۆڕشگێڕ و پارتی ئازادیی کوردستان
 
ڕۆژی پێنج شەممە ڕێکەوتی ١٦ی خەرمانانی ٢٧٢٣ کوردی/ ١٤٠٢ی هەتاویی وەفدێکی کۆمەڵەی شۆرشگێڕی زەحمەتکێشانی کوردستانی ئێران بریتی لە بەڕێزان عومەر ئیلخانیزادە جێگری سكرتێری گشتی كۆمه‌ڵه‌ – کاکۆ عەلیار – ئیبراهیم محەمەدی و عەلی ڕەنجبەری  سەردانی پارتی ئازادیی کوردستانیان کرد کە لەلایان بەڕێزان حسەین یەزدانپەنا سه‌رۆكی پارتی ئازادیی كوردستان– خەلیل کانی سانانی – عەبدوڵڵا نەسیری – ڕێباز شەریفی – رووبار لەیلاخی – باران مەهابادی و ئەدیب خالدیان پێشوازیان لێکرا.
 
دیدارەکە بە باس و لێکدانەوەی راپەڕینی ژینا دەستی پێکردو هەر دوو لایەن بە وردی لەسەر ڕووداوەکانی یەکساڵی ڕابردووی کوردستان و ئێران ئاڵووگۆڕی بیروڕایان کرد و بە تایبەتی بە چاوێکی خەسار ناسانە و قەبووڵی ئەو کار و چالاکیانەی کە دەبوو بە هاوبەش و یەکڕیزی لە کوردستان بەڕێوەچووبایەن لێکدانەوەی باروودۆخەکە کرا.
تەوەری دووهەم و گرینگی کۆبوونەوەکە بریتی بوو لە ورووژاندنی ئەم پرسیارە کە وەکوو کۆمەڵە و PAK لەم دەوری داهاتوویەدا دەبێ چی بکەین و ئەرک و کاری هاوبەشمان چی دەبێت؟ هەر دوو لایەن بە ڕۆحی هاوکاری و خزمەت بە بەرژەوەندیی بزووتنەوەکە و مافەکانی خەڵکی کوردستان لەسەر چالاکی و هەنگاوە هاوبەشەکان کۆک و تەبا بوون.
 
وەفدی کۆمەڵە جەختی لەسەر هاوئاهەنگی و کاری هاوتەریبی حیزب و لایەنەکانی رۆژهەڵات کردەوە و لەسەر هەوڵەکانی خۆی بۆ یەکڕیزی ماڵی کورد سوور بوو، هەر بۆیەش لە ڕاگەیێندراوی خۆیدا لەسەر ساڵوەگەڕی شۆرشی ژن، ژیان، ئازادی بانگەوازیی خۆی بۆ مانگرتن و ڕێزگرتن لە گیانبەختکردوان،  بەندکراوان و برینداران جیاواز نەبوو لە ڕاگەیێندراوی لایەنەکانی دیکە. ئەو هەڵوێستەی کۆمەڵە لە لایەن بەڕێزانی پارتی ئازادیی کوردستانەوە بەرز نرخێندرا.
لە درێژەی دیدارەکەدا هەڵوێست و ڕوانگەی هەر دوو لایەن بە نیسبەت ڕوانینیان بە هێندێک پرسی گرێدراو بە ڕۆژهەڵات و چۆنیەتی وڵامدانەوە بەو پرسانە باس و گفتگۆی لەسەر کراو هەر دوو لایەن لەسەر ئەسڵی کوردستانتەوەری و خەباتی ئەحزاب و لایەنەکانی ڕۆژهەلاتی بۆ ڕۆژهەڵات و تێکۆشان لەپێناوی ڕاماڵینی هێزەکانی سپای پاسداران وەک هێزێکی داگیرکەر له کوردستان ،و وەدەستهێنانی مافی دیاریکردنی چارەنووس بۆ  نەتەوەی کورد لە ڕۆژهەڵاتی کوردستان کۆک و هاوڕا بوون.
هەروەها هەوڵ و چالاکیەکانمان بۆ خزمەت بە بەرژەوەندیی بالای نەتەوەیی بێت و لە جیاکاریی  و هەوڵی لێکدابراو دوور بکەوینەوە. بۆ ئەم مەبەستەش هاوڕێیانی پارتی ئازادیی کوردستان سەرەڕای جەخت کردنەوە لەسەر پێویستیی پێکهێنانی بەرەیەکی کوردستانی و یەکخستنی هێزی لەشکریی؛ پێشنیاریان کرد کە کۆبوونەوە و سێمیناری هاوبەشی سەرجەم لایەنەکان لە داهاتوودا دەتوانێ لێک تێگەیشتن و هاوئاهەنگی زیاتر ساز بکات، ئەو پێشنیارە لە لایەن وەفدی کۆمەڵەوە پێشوازی لێکرا.
یەکێکی تر لە تەوەرە گرینگەکانی دیدارەکە تایبەت بوو بە گوشارەکانی ئێران و چۆنیەتی ڕووبەڕوو بونەوەی حیزبەکانی ڕۆژهەڵات لەگەڵ ئەم بابەتە کە هەر دوو لایەن جەختیان لەسەر هەڵوێست و کاری هاوبەشی سەرجەم لایەنەکان بۆ ئەم دەورەیە کردەوە.
تەوەرێکی تری کۆبوونەوەکە تەرخانکرا بە چەند بابەتێکی مێژووی پەیوەندیدار بە پرسی کورد و هەروەها چەند باسێکی تایبەت بە گۆڕانکارییە سیاسی و نیزامیەکانی جیهان و هەروەها شەڕیی ئۆکڕاین و ڕووسیا و هەڵوێستی وڵاتانی ڕۆژئاوا بە نیسبەت ڕووداوەکانی ناوچەکە.
لە کۆتایی دیدارەکە وێڕای جەختکردنەوە لەسەر بەردەوامی دیدار و کۆبوونەوەکانی هەر دوولایەن،  ئەنجامی کار و پڕۆژەی هاوبەشی کۆمەڵە و PAK و لایەنەکانی تر بە ئەرێنی نرخێندرا و بڕیاردرا بۆ ئەم بابەتانە هەوڵ و کاری جدیی ئەنجام بدرێت.
کۆبوونەوەکە لە پاش ٤ کاتژمێر کۆتایی پێهات.

 

سەرەوە