ئیسماعیل هەنیە لە تاران کوژرا

31/07/2024

بەرەبەیانیی ئەوڕۆ ٣١٫٧٫٢٠٢٤ز، ئیسماعیل هەنیە، بەرپرسی بزووتنەوەی حەماس دوای بەشداریی کردن لە رێوڕەسمی دەسبەکاربوونی سەرکۆماریی دەوڵەتی داگیرکەری ئێران "مەسعوود پزیشکیان" لە شوێنی نیشتەجێبوونی خۆی لە تاران لە هێرشێکی هاژەکی و درۆنیدا کوژرا.
بزووتنەوەی مەقاوەمەی ئیسلامیی_ حەماس ئەمڕۆ لە بەیاننامەیەکی فەرمیدا رایگەیاند کە ئیسماعیل هەنیە لە ئاکامی هێرشێکی هاژەکی و درۆنیی ئیسراییل لە تاران کوژراوە.
هەروەها بەشی پێوەندییەکانی سپای پاسدارانیش رایگەیاندووە کە بەرەبەیانیی ئەوڕۆ چوارشەممە ئیسماعیل هەنیە و یەکێک لە پاسەوانەکانی لە ئاکامی ئەم هێرشەدا کوژراون.
جێگای ئاماژەیە تاکوو ئێستا هیچ لایەنێک بەرپرسایەتیی خۆی لە ئەنجامدانی ئەم هێرشە رانەگەیاندووە.