دۆناڵد ترەمپ: دەبێت لەرووی سەربازیی و ئایدۆلۆژییەوە شكست بە تیرۆرستان بهێنین

05/01/2019

دۆناڵد ترەمپ، سەرۆكی ویلایەتە یەكگرتووەكانی ئەمەریكا ئیدانەی تەقینەوەی مزگەوی رەوزە-ی شارۆچكەی ئەلعەریز لەباكوری سینا لەمیسر كرد و رایگەیاند، "دەبێت لەرووی سەربازیی و ئایدۆلۆژییەوە شكست بە تیرۆرستان بهێنین".

لەتویتێكدا دۆناڵد ترەمپ نوسیویەتی، "تیرۆرستان هێرشێكی ترسناك و ترسنۆكانەیان كردەسەر نوێژخوێنانی بێگوناح لەمیسر".

ئاماژەی بەوەشكردووە، "چیتر جیهان ناتوانێت بەرگەی تیرۆر بگرێت، دەبێت لەرووی سەربازییەوە شكست بە تیرۆرستان بهێنین و بنەبڕی ئایدۆلۆژیا توندەڕەوەكەیان بكەین كە بنەمای مانەوەیانە".

پاشنیوه‌ڕۆی‌ ئه‌مڕۆ هێرشێكی‌ چه‌كداری‌ كرایەسه‌ر مزگه‌وتی‌ رەوزە لە گوندێكی ‌ باكوری‌ سینا و دواتر هێرشبه‌ره‌كان به‌ چوار ئۆتۆمبێل گه‌مارۆی‌ مزگه‌وته‌كه‌یان داوه‌و ده‌سترێژی‌ گولـله‌یان له‌نوێژخوێنان كردووه‌..

كەناڵی تەلەفیزیۆنی فەرمی میسر بڵاویكردەوە، ژمارەی كوژراوەكانی هێرشەكەی مزگەوتی رەوزە لە شارۆچكە ئەلعەریش لە باكوری سینا بۆ 235 كەس بەرزبووەتەوە.

ئاماژەی بەوەشكردووە، بەهۆی هێرشەكەوە دەیان كەسی دیكە برینداربوون.

لەنێو قوربانییەكانی تەقینەوەكەدا سەربازی ئەو وڵاتە هەیە، بەڵام زۆربەی كوژراوەكان مەدەنین، ئەوەش بەپێی سەرچاوە ئەمنییەكان.

هێرشەكە سەرەتا بەتەقینەوەی بۆمبێك دەستیپێكردووە، دواتریش چەكدارەكان تەقەیان لە نوێژخوێنەكان كردووە.
كەناڵی تەلەفیزیۆنی فەرمی میسر ئەوەشی خستووەتەڕوو، هێرشبەرەكان چوار ئۆتۆمبێلیان پێبووە، دوای هێرشەكە باری نائاسایی راگەیەندراوە.