وێنەگرێکی کورد لە کابول لە لایان تالیبانەوە قۆڵبەستکرا

پێش 3 هەفتە

رۆژی پێنچشەممە 11 نۆڤامبری 2021، وێنەگری کوردی خەڵکی بانەی رۆژهەڵاتی کوردستان، لە شاری کابولی پێتەختی ئەفغانستان، لە لایان هێزەکانی تالیبانەوە قۆڵبەستکرا. 
بەپێی هەواڵی رێکخراوی مافی مرۆڤی هەنگاو، ئیبراهیم عەلیپوور، بۆ دروستکردنی راپۆرتێک چووبووە کابول و پاش قۆڵبەستکردنی لە لایان هێزەکانی تالیبانەوە، تا ئێستا هێچ زانیارییەک لە چارەنووسی نابراو لەبەر دەستدا نییە. 
بە پێی هەمان سەرچاوە، لە ساڵانی رابردوو عەلیپوور بەهۆی هەڵوێستەکانی سەبارەت بە مەسەلەی کوشتاری کۆڵبەران و توندوتیژیی دژی ژنان، چەندین جار لە لایان ناوەندە ئەمنییەکانی ئێرانەوە، لێکۆڵینەوەی لەگەڵدا کراوە. 
ناوبراو یەکێکە لە ئەندامانی ئەنجومەنی نێونەتەوەیی وێنەگران و ئەندامی ئاژانسی مێدڵ ئێست/یشە.