مامۆستایان و فەرهەنگییان بۆ داواکردنی مافەکانیان ناڕەزایی دەردەبڕن

13/01/2022

ئەمڕۆ پێنجشەممە 13/1/2022 " 23 بەفرانباری 2721" لە بەشێک لە شارەکانی رۆژهەڵاتی کوردستان وەک " سنە، بۆکان، خورماوا، کرماشان، سەقز، مەریوان،  دێگولان، کامیاران، بانە، بیجاڕ، مامۆستایان و فەرهەنگییان و خانەنشینان لە بەرانبەر بەڕێوبەرایەتیی شارەکانیان کۆبوونەوە و لەبەرانبەر پێشێلکردنی مافەکانیان و نایەکسانیی لە مووچە و شایستە داراییەکانیان ناڕەزایەتییان دەربڕی.
 مامۆستایان و خۆپێشاندەرانی سنە وێڕای ناڕەزایەتیی‌کردن و داکۆکیی‌کردن لە مافەکانی خۆیان هاوکات لە خۆپێشانەکان‌دا وێنەی زارا محەممەدی‌یان بەرز کردەوە و داوای ئازادکردنیان کرد.
ئەمە چەندەمین جارە مامۆستایان بۆ داوکردنی مافەکانی خۆیان و وەرگرتنی شایستە داراییەکانیان ناڕەزایەتیی دەردەبڕن و خۆپێشاندان دەکەن.