سەرۆک کۆماری ئێران و سەفەری رووسیە

20/01/2022

سەرۆک کۆماری ئێران و سەفەری رووسیە                                            
                                                                       
 سەرۆک کۆماری ئێران، بە سەفەرێک گەیشتە رووسیە و لە کۆشکی کڕێملین، لە گەڵ پۆتین دیدار و وتووێژی کرد. بە پێی هەواڵنێرییەکان مەراسیمی بەخێرهاتن لە کۆشک ئەنجام نەدرا. 

      ئەم گفتووگۆیە سێ کاتژمێری خایاندووە. جێی ئاماژە پێکردنە کە لە رۆژی دووهەمدا رەیسی لە پاڕلەمان وتەیەک لە بارەی ئێرانەوە بۆ نوێنەرانی "دووما" پێشکەش دەکا.                                               
 شایانی باسە، کە سەرۆک کۆماری ئێران  لە لایەن وەزیری سووتەمەنی و سەرۆکی کۆمیسیۆنی هاوبەشی هاوکاری ئێران-رووسیە و جێگری وەزیری دەرەوە، ئیگۆر مارگۆلۆف پێشوازی لێکراوە. هەروەها لەم سەفەرەدا وەزیرانی دەرەوە، نەوت و وەزیری ئابووری ئێران هاوڕێیەتی رەیسی-یان کردووە.             بەڵام وەک ئاشکرا بووە هیچ گرێبەستێکی: ئابووری، سیاسی یان سەربازی واژۆ نەکراوە. 

جەلالی، سەفیری ئێران لە وتووێژ لە گەڵ هەواڵنێری ئێران، تەسنیم دەڵێ: " گرێبەستەکانی نێوان ئێران و رووسیە لە لایەن ئێرانەوە نووسراون بەڵام، پێویستیان بە زەمان هەیە." لە راستیدا ئەوە نیشانی دەدا کە ئێران پێشنیازی کردووە، کەچی رووسیە وەڵامی نەداوەتەوە. 

لە بارەی ئەگەری کڕینی چەک و تەقەمەنی، جەلالی دەڵێ: "دوو سەرۆک کۆمار دەگەنە خاڵی هاوبەش بەڵام، ئەوەی کە گرێبەست لە نێوانیاندا هەبێ و واژۆی بکەن، شتێکی لەو جۆرە لە گۆڕێدا نییە. "   بە پێی راپۆرتەکان و چلۆنایەتی وەرگرتنی سەرۆک کۆمار، وا دەردەکەوێ کە لایەنی ئێران داوای ئەم دیدار و وتووێژانەی کردووە. هەروەها ئەمە دەریدەخا کە ئێران لە باروودۆخێکی سەختی ئابووری و تەریکی سیاسییە،                                                                      
 ئەوەی پێویستە بگوترێ ئەوەیە، رووسیە کە بۆخۆی لە هەلوومەرجێکی سەختی ئابووری دایە و، لە لای دیکەوە وڵاتانی ئەورووپا و ئەمریکا هەڕەشەی توندی لێ دەکەن، ئەگەر بیهەوێ هێرش بکاتە سەر ئۆکڕاین،  پرسیار ئەمەیە: ئایا دەتوانێ چی بۆ ئێران بکا؟                                                                                   کێشەی سەرەکی رووسیە وڵاتانی جاران کومونیستی وەک: ئێستۆنیا، لیتۆنیا،چێک، و لهێستان و لاتانیایە، کە ئێستا بوونەتە ئەندامی "ناتۆ" و هەڕەشە لە رووسیە دەکەن.                                                          
 کۆماری ئیسلامی بۆتە پاشکۆی رووسیە لە سووریە بەڵام، رووسیە ناتوانێ کێشە بنەرەتییەکانی کۆماری ئیسلامی چارەسەر کا.
موحسین سالمی _ کانادا