کۆمیتەی ڕێکخستنەکانی (PAK) لە وڵاتانی ئوروپایی کۆبونەوەیەکیان بەڕێوە برد

17/02/2022

ئێوارەی ڕۆژی یەکشەممە 24ی ڕێبەندانی ساڵی 2721ی کوردی، ھاوکات لەگەڵ 13ی فێورییه‌ی ساڵی 2022ی زایینی
و بە مەبەستی وەرگرتنی ڕەخنە و پێشنیاری ئەندامانی دەرەوەی وڵات، کۆمیتەکانی ئوروپای (پارتی ئازادیی کوردستان) کۆبونەوەیەکی ئاساییان بە شێوەی ئۆنلاین بەڕێوە برد!

سەرەتای کۆبونەوەکە بە خوولەکێک وەستان بۆ ڕێزگرتن لە گیانی پاکی شەھیدی دەستی تیرۆری کۆماری سێدارەی ئێران،شەھیدی سەرکردە کاکە سەعید یەزدان پەنا و سەرجەم شەھیدانی ڕێگای ڕزگاریی و سەربەخۆیی کوردستان دەستی پێکرد.
دواتر بەڕێز ھەڤاڵ ئەفشار ئەقدەسی بەرپرسی نوێنەرایەتی ئوروپایی PAK وتەیەکی لەمەڕ کار و چالاکیەکانی ڕێکخستنەکانی دەرەوەی وڵاتی (پارتی ئازادیی کوردستان) و خاڵە ئەرێنی و نەرێنیەکان پێشکەش بە ئامادەبووان کرد و داواشی لە بەشداربووان کرد کە ڕەخنەو تێبینیەکانی خۆیان لە پێوەندی بە ڕابردوو و هەروەها پێشنیارەکانیان بۆ داهاتوو بخەنە ڕوو و تاوتوێیان بکەن.

ئەمجار ھەر کام لە ئەندامانی بەشداربوو، بە شێوەی جیاواز سەرنج و بۆچون و تێڕوانینەکانی خۆیان بۆ بابەتەکان خستە ڕوو و وێڕای هێنانە بەرباسی ڕەخنە و سەرنجەکانیان چەندین پێشنیاریشیان بۆ باشتر بەڕێوەچوونی کار و چالاکیەکانی داهاتوو پێشکەش کرد.
سەرەنجام و دوای نزیکەی 2دوو کاتژمێر و وێڕای پەسند کردنی ھەندێک خاڵ و بڕیاری گرینگ، کۆبونەوەکە کۆتایی پێهات.
سەرچاوەی هەواڵ راگه‌یاندن
پارتی ئازادیی کوردستانPAK
نوێنەرایەتی ئورووپای
27ی رێبه‌ندانی ساڵی 2721ی کوردی
16ی فێورییه‌ی ساڵی 2022ی زایینی
Kurdistan Freedom Party Representation in Europe
[email protected] – [email protected]
Mobil:0031641693364
Mobil:0031685543638
?https://t.me/PAKeurope
?www.pak-eu.com
https://www.instagram.com/pak_europ/?hl=nl
https://www.facebook.com/pakeucom/