دواین هەواڵ

2022-05-24 🔶 ھەڤاڵ ڕێباز شەریفی ئەندامی مەجلیسی گشتییPAKو فەرماندەییS.M.K: 2022-05-24 ⭕️دیمەنەکانی مانۆڕی یەکەکانی سپای میللیی کوردستان لە ٣١ ساڵەیPAKدا: 2022-05-24 🔷کوردەکانی خۆراسان؛نەوەکانی سەردار عێوەز خان. 2022-05-24 ♦️ ئێرادە، خۆڕاگری، بەردەوام بوون و باوەر بە خۆ بوون کلیلی ئەو رێگایە بوو کە بەرهەمەکەی دەبینن. 2022-05-24 ئاگاداریی سپای میللیی کوردستان لە مەڕ هەڕەشەی گرووپە تێرۆریستییەکان، لە هەرێمی کوردستان 2022-05-23 🔶پەیامی سەرۆکیPAK بە بۆنەی ٣١هەمین ساڵوەگەڕی دامەزراندنی پارتی ئازادیی کوردستان. 2022-05-20 پەیامی هەڤاڵ عەلی ئەحمەدی ئەندامی کۆمیتەی ناوەندیی PAK بەبۆنەی 30 گوڵان، 31ساڵەی دامەزرانی پارتی ئازادیی کوردستان: 2022-05-20 پەیامی بزوتنەوەی نوێبوونی کوردستان بەبۆنەی 30گوڵان، 31ساڵەی دەمەزرانی پارتی ئازادیی کوردستان: 2022-05-20 پەیامی ھەڤاڵ عەبەڕەش، فەرماندەی دێرینیPAKو یاریدەدەری فەرماندەی گشتیی سپای میللیی کوردستان: 2022-05-20 ٣١ ساڵ خەبات لە پێناو دەوڵەت و سەربەخۆیی کوردستاندا بەیاننامەی پارتی ئازادیی کوردستانPAK 2022-05-19 پەیامی خاتوو لەیلا دیوبەند ئەندامی بەڕێوەبەریی رێکخراوی ئازادیی ژنانی کوردستان- نینا بە بۆنەی 30 گوڵان، 31ساڵەی دامەزرانی پارتی ئازادیی کوردستان: 2022-05-19 پەیامی حزبی زەحمەتکێشانی كوردستان بەبۆنەی 30 گوڵان، 31 ساڵەی دامەزرانی پارتی ئازادیی کوردستان: 2022-05-19 پەیامی پیرۆزبایی رێکخراوی لاوانی ئازادیی کوردستان RAK بەبۆنەی30 گوڵان، 31ـەمین ساڵی دامەزرانی پارتی ئازادیی کوردستان و دووهەمین ساڵی پێکهێنانی سپای میللیی کوردستان: 2022-05-18 پەیامی بەڕێز مامۆستا پۆڵا نانەوازادە، بە بۆنەی ٣١ ھەمین ساڵوەگەڕی دامەزراندنی PAK: 2022-05-18 پەیامی یەکێتی نەتەوەیی دیموکراتی کوردستان بەبۆنەی 30 گوڵان، 31 ساڵەی دامەزرانی پارتی ئازادیی کوردستان:

سەرۆکایەتیی

پەیامی سەرۆکیPAKو فەرماندەی گشتیی سپای میللیی کوردستان سەبارەت بە پەلاماری ڕۆکێتی تاران دژی هەولێر

13/03/2022

لە حاست هەڕەشەکانی تاران دا
ڕۆڵەکانی ڕۆژهەڵاتی کوردستان پشتیوانی لێبڕاوی هەرێمی کوردستانن

بەرەبەیانی ئەمڕۆ یەکشەممە ٢٢ی ڕەشەمەی ٢٧٢١ی کوردی ڕێکەوتی ١٣ی مارسی ٢٠٢٢ی زایینی، جارێکی دیکە هەولێری پێتەخت، لە لایان تارانەوە کرایە ئامانجی ژمارەیەک ڕۆکێتی بالستیک. هەرچەند لە 30 ساڵی پێشوودا، ئێران لە شێواز و ئاستی جۆراوجۆردا، دژی باشووری کوردستان دەستی نەپاراستووە، بەڵام ڕۆکێتبارانی ئەمڕۆ، بەتایبەت کە سپای پاسداران بە فەرمیی وەئەستۆی گرتووە، لە ئاستی گەورەدا لە بەستێنی ئەو بارودۆخە سیاسی و لەشکرییەدا دەخوێندرێتەوە کە بە هێرشی ڕووسیا بۆ سەر ئۆکراین و دەرهاویشتەکانی، سەریهەڵداوە. هەروەها لە ئاستی خوارتردا هاوکێشەی پێکهێنانی حکوومەت و ڕیزبەندییە سیاسییەکانی پاش هەڵبژاردنی پەرلەمانیی عێراق کە گرووپ و ڕێکخراوەکانی بەرفەرمانی تاران، تووشی دۆڕانێکی گەورە هاتن، لە فاکتەرە پێوەندییدارەکانی دیکەی ئەو پەلامارەن.ئەوەش کە دەستی تارانی بەمجۆرە ئاواڵە کردووە، هەڵوێستی لاوازی ئەمریکا و هاوپەیمانانە لە حاند پەلامار و تێرۆر و سەرەڕۆییەکانی تاران لە عێراق و باشووری کوردستان.
  کاربەدەستانی تاران بە خۆیان دەنازن کە بە پانەوە پەلامارێکی وەهایان کردوەتە سەر هەولێر. بەڵام لە ویژدان و ڕای گشتیی دا، هەرگیز دەست درێژیی قەوارەیەکی خاوەن دەوڵەت و چەکی باڵستیک و فرۆکەی شەڕکەر بۆ سەر قەوارەیەکی بێدەوڵەت و بێچەک، شانازیی و بەها خوڵقێن نابێت. ڕاست بە پێچەوانەوە ئەو پەلامار و ناهاوسەنگییەی گۆڕەپانەکە، هێزی نەرم بۆ ڕۆڵەکانی ئەو نەتەوەیە بەرهەم دێنێت کە لە حاست تۆپ و تەیارە و ڕۆکێتی دوژمندا، مل نادەن و خۆ ناچەمێنن. بڕوانن بۆ ٥٠٠ ساڵ، بەرەنگاریی و ڕاپەڕین و بەگژداچوونی نەتەوە مەزنەکەمان دژی داگیرکەرانی تورک و فارس و عەرەب.
  مەکینەی درۆ و چەواشەی عەجەم لەم پەلامارەدا دیسان قەوانی ئیسرائیل دەژەنێتەوە و پۆزی دژە ئیسڕائیلی لێدەدات. وەک بڵێی ئەوان نەبوون و  حکوومەتی کوردستان بووە بۆ شەڕ لە گەڵ وڵاتێکی موسوڵمان پەنای بردووەتە بەر کڕینی چەک لە ئیسڕائیل؛ وەک بڵێی نیو تۆن ئاڕشیوی بەڵگە نهێنییەکانی پڕۆژەی چەکی ئەتۆمی ئێران، لە هەولێرەوە گوێزرابنەوە ئیسڕائیل، نەک لە تارانەوە؛ وەک بڵێی موحسینی فەخری زادە لە شەقامەکانی هەولێر ڕاوکرابێیت نەک لە رێگای تاران؛ وەک بڵێی بەڕێوەبەری گشتیی معاونەتی دژی سیخوڕیی وەزارەتی ئیتلاعات کە بە سیخوڕی مووساد دەرچوو، بارگەوبنەی لە هەولێر بووبێیت نەک تاران!
   هەرچۆنێ بێت لەم ئاناڕشییەدا کە باڵی بەسەر جیهاندا کێشاوە و لەم دۆخەدا کە تاران دەرفەتی ملهووڕیی و یاریی بە چەکی باڵستیکی لە ناوچەکە بۆ ڕەخساوە، لە گەڵ ئەوەدا کە زیاتر لە یەک ڕێکاری کۆنتڕۆڵ یان بەرپەرچدانەوە هەیە، بەڵام چەکی هەرە بەهێزی بەردەستی هەرێمی کوردستان یەکێتی و یەکگرتوویی سیاسیی ناوخۆیی و بووژانەوەی متمانەی گشتیی بە دامەزراوە دەوڵەتییەکانە لە رێگای حوکمی دادپەروەرانە و چاکسازی و بەرەنگار بوونەوەی گەندەڵیی .هاوکات پاڵپشتیی جەماوەریی و لەشکریی پارچەکانی دیکەی نیشتمانی دابەشکراومان لە هەرێمی کوردستان لە تەعامولێکی دوولایەنەدا، فاکتەرێکی گرینگی پەکخستن یان کەم کردنەوەی گوشار و دوژمنکارییەکان و مانەوە و بەردەوامیی ئەم کیانەیە.
   ڕۆڵەکانی ڕۆژهەڵاتی کوردستان لەم کات و ساتە هەستیارەدا، لە گەڵ هەر تێبینی و ڕەخنەیەکیان، بڕیار بۆ ڕێبەرایەتی و دامەزراوە یاساییەکانی هەرێمی کوردستان خۆی بەجێدێڵن؛ بەڵام هەر وەک ڕابردووی پڕشنگداری 30ساڵی ڕابردوو، وەک شەرەفی تێکەڵ بوونی خوێنیان لە گەڵ خوشک و براکانیان لە 3 ساڵ بەرەنگار بوونەوەی داعش و نەبەردی مێژوویی پردێ،  بێ دوو دڵی، پشتیوانی لێبڕاوی هەرێمی کوردستان دەمێننەوە.

حسەین یەزدانپەنا

22ی ڕەشەمەی 2721 ک
13ی مارسی 2022 ز

 

 

سەرەوە