دواین هەواڵ

2022-05-24 🔶 ھەڤاڵ ڕێباز شەریفی ئەندامی مەجلیسی گشتییPAKو فەرماندەییS.M.K: 2022-05-24 ⭕️دیمەنەکانی مانۆڕی یەکەکانی سپای میللیی کوردستان لە ٣١ ساڵەیPAKدا: 2022-05-24 🔷کوردەکانی خۆراسان؛نەوەکانی سەردار عێوەز خان. 2022-05-24 ♦️ ئێرادە، خۆڕاگری، بەردەوام بوون و باوەر بە خۆ بوون کلیلی ئەو رێگایە بوو کە بەرهەمەکەی دەبینن. 2022-05-24 ئاگاداریی سپای میللیی کوردستان لە مەڕ هەڕەشەی گرووپە تێرۆریستییەکان، لە هەرێمی کوردستان 2022-05-23 🔶پەیامی سەرۆکیPAK بە بۆنەی ٣١هەمین ساڵوەگەڕی دامەزراندنی پارتی ئازادیی کوردستان. 2022-05-20 پەیامی هەڤاڵ عەلی ئەحمەدی ئەندامی کۆمیتەی ناوەندیی PAK بەبۆنەی 30 گوڵان، 31ساڵەی دامەزرانی پارتی ئازادیی کوردستان: 2022-05-20 پەیامی بزوتنەوەی نوێبوونی کوردستان بەبۆنەی 30گوڵان، 31ساڵەی دەمەزرانی پارتی ئازادیی کوردستان: 2022-05-20 پەیامی ھەڤاڵ عەبەڕەش، فەرماندەی دێرینیPAKو یاریدەدەری فەرماندەی گشتیی سپای میللیی کوردستان: 2022-05-20 ٣١ ساڵ خەبات لە پێناو دەوڵەت و سەربەخۆیی کوردستاندا بەیاننامەی پارتی ئازادیی کوردستانPAK 2022-05-19 پەیامی خاتوو لەیلا دیوبەند ئەندامی بەڕێوەبەریی رێکخراوی ئازادیی ژنانی کوردستان- نینا بە بۆنەی 30 گوڵان، 31ساڵەی دامەزرانی پارتی ئازادیی کوردستان: 2022-05-19 پەیامی حزبی زەحمەتکێشانی كوردستان بەبۆنەی 30 گوڵان، 31 ساڵەی دامەزرانی پارتی ئازادیی کوردستان: 2022-05-19 پەیامی پیرۆزبایی رێکخراوی لاوانی ئازادیی کوردستان RAK بەبۆنەی30 گوڵان، 31ـەمین ساڵی دامەزرانی پارتی ئازادیی کوردستان و دووهەمین ساڵی پێکهێنانی سپای میللیی کوردستان: 2022-05-18 پەیامی بەڕێز مامۆستا پۆڵا نانەوازادە، بە بۆنەی ٣١ ھەمین ساڵوەگەڕی دامەزراندنی PAK: 2022-05-18 پەیامی یەکێتی نەتەوەیی دیموکراتی کوردستان بەبۆنەی 30 گوڵان، 31 ساڵەی دامەزرانی پارتی ئازادیی کوردستان:

ڕاگەیەندراو

بەیاننامەی پارتی ئازادیی کوردستانPAK سەبارەت بە پەلامار و داگیرکارییەکانی دەوڵەتی ترکیا

21/04/2022

بەیاننامەی پارتی ئازادیی کوردستانPAK سەبارەت بە
پەلامار و داگیرکارییەکانی دەوڵەتی ترکیا

   بە ماوەیەکی کورت پاش پەلاماری ڕۆکێتی و هەڕەشەکانی تاران دژی هەولێر، دەوڵەتی ترکیا لە چەند ڕۆژی ڕابردووەوە هێڕشێکی بەربڵاوی لە زەوی و ئاسمانەوە بۆ سەر بەشێک لە ناوچە سنوورییەکانی باشووری نیشتمان دەست پێکردوە. هەروەها لەو کردەوەیەدا ڕۆژاوای کوردستانیشی نەبواردووە.
لە ئاکامی پەلامارەکانی سپای داگیرکەری ترک دا، ڕۆژانە مرۆڤی کورد دەکوژرێت؛ ژینگە و دار و دەوەنی دەسووتێن و گوندنشینانی ئەو سنوورانە بەر ڕهێڵەی تۆپ و ڕۆکێیت و بۆمب دەکەون. 
   پاساوی ترکیا بۆ ئەو پەلامار و دەستدرێژییانە، وەک هەمیشە هەبوونی هێزەکانی پارتی کرێکارانی کوردستانPKK لەو سنوورانەیەو بەو بیانووەوە پەیجووری داگیرکردنی زیاتری ناوچە سنوورییەکان، گوشار و پاڵەپەستۆ خستنە سەر حکوومەتی کوردستان و دەستەبەر کردنی ئامانج و  بەرژەوەندییە سیاسیی و ئابوورییە هەرێمییەکان و هاوکات سەرکوت و بێدەنگ کردنی بەرهەڵستکارانی ناوخۆییەتی.
  لە پاش داگیرکرانەوەی کەرکووک و مەخموور و شنگال و هێندێ لە ناوچەکانی دیکە لە ساڵی ٢٠١٧دا و گۆڕانی پارسەنگی هێز بە زیانی کورد، دەوڵەتی ترکیا هەلی داگیرکردنی هێندێک لە شار و گوندەکانی ڕۆژاوای کوردستان و پەلاماردانی ناوچە سنوورییەکانی باشووری کوردستانی بۆ هەڵکەوت. ئەوەی دەرفەتی پەلامار و داگیرکارییەکانی ئەم قۆناغەی بۆ ڕەخساندووە لە پاڵ بەردەوامیی ئەو فاکتەرەدا، تەشەنە کردنەوەی ناکۆکیی و ناتەباییە سیاسییەکانی نێوان حیزب و لایەنەکانی باشووری کوردستان و چەقینی پڕۆسەی پێکهێنانی حکوومەتی عێراقە. هەروەها شەڕی ڕووسیا-ئۆکراین و سەرقاڵیی جیهان بەو شەڕەوە، هەلومەرجی لەباری بۆ دەوڵەتی ترکیا پێکهێناوە.
  لە بارودۆخێکی ئەوتۆدا، چاوەڕوانی و هیوا بە دەستێوەردانی دەرەکیی و بەهاناوە هاتنی خێرای دەوڵەتان، چاوەڕوانییەکی بێئاکام و بێوەختە. بۆیە تەنیا کورد خۆی و هێزە سیاسییەکانی و بڕیار و هەنگاوی ژیرانە و گونجاو، دەتوانێ دەوڵەتی ترکیا هەوسار بکات و مەکینەی شەڕ و پەلاماری ڕابگرێت.
لەم هەلومەرجە نالەبارەدا، لە ڕوانگەی پارتی ئازادیی کوردستانەوە، ئەم هەنگاوانەی خوارەوە دەتوانن هێندێک ڕێکاری گونجاو و ژیرانە بن بۆ وەدیهێنانی ئەو ستراتیژییە:
١- کۆتاییپێهێنانی هەرچی زووتر بە ناکۆکیی و ناتەباییە تەشەنە سەندووەکانی ئەم دواییانەی نێوان هێزە سیاسییەکانی باشووری کوردستان و داڕشتنەوەی گوتاری سیاسیی یەکگرتووی هەرێمی کوردستان لە حاست بەغدا و لە حاند ترکیا و ئێران.
٢- ڕێکخستنی بزاڤێکی جەماوەریی دژ بە سیاسەتی شەڕ و پەلاماری دەوڵەتی ترکیا، لە باکووری کوردستان و شارەکانی ترکیا لە لایان هێزە سیاسییەکانی باکووری کوردستان و لایەنە بەرهەڵستکارەکانی حکوومەتی ترکیا.
٣-حەولدان بۆ پێکهێنانی کەشوهەوایەک کە تێیدا، پاش ئاگربڕ لە نێوان PKK و دەوڵەتی ترکیا، گفتوگۆی سیاسیی لە سەر مافە ڕەواکانی کورد، لە نێوان کورد و ترکیادا، بێتە ئاراوە.
٤-حەولدان بۆ دۆزینەوەی میکانیزمێکی گونجاو بۆ ئەوەی بە ڕۆحێکی نەتەوەییەوە، گفتوگۆی کورد-کورد دەست پێ بکات و لایەنە سیاسییەکانی کورد بە دوور لە دەمارگرژیی و پاوانخوازیی ڕێکخراوەیی، کێشە و ناکۆکییەکانیان پێکەوە ئاشتیانە چارەسەر بکەن و ماف و ئەرکەکانیان لە حاست یەکتر دیاریی و پێناسە بکەن.
٥- لە پێناو تێگەیشتنی دروست و هەڵوێست و ڕەفتاری سیاسیی ژیرانە لە هەمبەر یەک؛ ڕەچاو کردنی ئەو ڕاستییە لە لایان هێزە سیاسییەکانی کوردستانەوە کە لە گەڵ ئەوەدا کە پرسی کورد و کوردستان لە ناوەرۆکدا یەک پرسە؛ بەڵام بارودۆخ و قۆناغی سیاسیی هەر کام لە پارچە دابەشکراوەکانی کوردستان، جیاواز و تایبەتمەندن. بۆیە لە ئاکامدا شێوازی خەبات و تێکۆشان، سیاسەت و دیپلۆماسیی،هاوپەیمانی و پێوەندییەکانیان وەک یەک نیین. لە دۆخێکی وەهادا پاڵپشتیی لە کیانی سیاسیی باشووری کوردستان کە لە قۆناغێکی لە پێشتردایە و دەتوانێ پێگەو لەنگەر بێت بۆ گشت پارچەکانی نیشتمان و بزاڤە سیاسییەکانیان، سیاسەتێکی دروست و ئەرکێکی نەتەوەییە.
پارتی ئازادیی کوردستان لە سەر ئەو باوەڕەیە کە بەردەوامیی دۆخی ئارایی، نەک هەر سنوورێک بۆ پەلامارەکانی دەوڵەتی ترکیا دانانێت، بەڵکوو دەتوانێ هەڕەشە و  پەلامار و داگیرکاریی زیاتری باشوور و ڕۆژاوای کوردستانی لێبکەوێتەوە.
پارتی ئازادیی کوردستان پەلامار و داگیرکارییەکانی دەوڵەتی ترکیا دژی کورد و کوردستان و ڕشتنی خوێنی ڕۆڵەکانی و سووتان و تێکدانی ژینگەکەی بە توندی مەحکووم دەکات و پاڵپشت و هاوکاری هەر ڕێگاچارەیەکی حکوومەتی هەرێمی کوردستان و هێزە سیاسییە کوردستانییەکانە بۆ کۆتاییهێنان بە پەلامار و دەست درێژییەکانی دەوڵەتی ترکیا.

پارتی ئازادیی کوردستانPAK

١ی گوڵانی٢٧٢٢ک
٢١ی ئاوریلی٢٠٢٢ز

سەرەوە