لە بەهاری ئەمساڵەوە زیاد لە چوار کەس رۆژهەڵاتی کوردستان کۆتاییان بە ژیانی خۆیان هێناوە

26/06/2022

لە بەهاری ئەمساڵەوە زیاتر لە چوار مێرنداڵی کورد لە رۆژهەڵاتی کوردستان بە هۆکاری نادیار کۆتاییان بە ژیانی خۆیان هێناوە.
موبین ئازەری 15 ساڵان و سەید فەرهاد قەشەنگی 19 ساڵان و کامیار عەبدوڵڵاهی کە بۆ مۆڵەت لەسەربازی گەڕابووەوە ماڵ لە پیرانشار و ئارشام ساڵحی 13 ساڵان لە بۆکان کۆتایییان بە ژیانی خۆیان هێناوە.
دەوڵەتی داگیرکەری ئێران سەرەڕای سیاسەتی داگیرکەرانەی و هەوڵە چڕوپڕەکانی بۆ تواندەنەوەی کورد و پێشێلکردنی سەرجەم مافەکانی و سیاسەتی گرتن و کوشتن و برسی کردن و بڵاوکردنەوەی مادەی هۆشبەر و داماڵینی لە بەها کۆمەڵایەتییەکان و حەولەکانی بۆ تێکدانی شیرازەی خێزان و کۆمەڵگە، هاوکات لە بڵاو کردنەوەی بێهیوایی لە نێو تاکەکانی نەتەوەی کورد غافڵ نەبووە و بە یەکێک لە سیاسەتە هەرە لەپێشەکانی خۆی داناوە.
دروست‌کردن و چاندنی تۆی بێهیوایی و نەهێشتنی ئاسۆی روون بۆ داهاتوو لە نێوان گەنجان و هیوابڕاو کردنی چین و توێژە جیاوازەکان و لە ناویشیاندا مێرمنداڵان و لاوان کارەساتێکی هێجگار گەورەیە و یەکێکە لە ئاکامە تفت و تاڵەکانی ژێردەستەیی و نەبوونی دەوڵەت و قەوارەیەکی سەربەخۆی نەتەوەیی.
دەوڵەتی داگیرکەری ئێران زیاتر لە هەر شتێک لە هیوا و هێز و ئیرادەی ئەم نەتەوەیە دەترسێ و هەر لەبەر ئەمەشە بە بەرنامەی وردەوە کار دەکات بۆ بێهیواکردنی رۆڵەکانی ئەم نەتەوەیە.
تاکوو کورد دەوڵەتی سەربەخۆی خۆی دانەمزرێنێت و لە تەوقی سنوورە دەسکردەکان رزگاریی نەیێت، کورد بە ئاسایش و ئارامی ناگات و ناحەسێتەوە.