بە بۆنەی کۆچی دوایی کاک عەلی قازی، تاقانە کوری پێشەوا قازی محەمەد

12/07/2022

بە بۆنەی کۆچی دوایی کاک عەلی قازی، تاقانە کوری پێشەوا قازی محەمەد
 

زۆر بە داخەوە هەواڵی کۆچی دوایی بەڕێز کاک عەلی قازی تاقانە کوڕی پێشەوای نەمرمان لە وڵاتی ئاڵمان پێگەیشت.
پارتی سەربەخۆیی کوردستان بەم بۆنە خەمناکەوە پرسە و سەرەخۆشی خۆی لە بنەماڵەی گەورەی قازی و هەموو خەڵکی کوردستان دەکات.
بەداخەوە کاک عەلی لە دوای لە سێدارە درانی پێشەوا و تێکچوونی کۆماری کوردستان نەیتوانی لە خەباتی نەتەوایەتیی نەتەوەی کورد بۆ گەیشتن بە ئامانجەکانی کۆماری کوردستان ڕۆڵێکی ئەوتۆ بگێڕێت و تاڕادەیەکیش غەدری لێکرا. تەنها بۆ ماوەیەک نەبێت کە لەو ساڵانەی دوایی ژیانیدا لە لایەن پارتی ئازادی کوردستانەوە سەرۆکی فەخری پارتی ئازادی کوردستانی پێ سپێردرا. پیناسە و پێگەی کاک عەلی قازی لە ژیانیدا لە سەر کاراکتەری سیاسی خۆی بووە و لە باری سیاسیەوە گرێدراوی کەسایەتی و پێگەی پێشەوا نەبوو کە ئەوەش دەگەڕێتەوە بۆ گەورەیی و مەزنی پێشەوای نەمر کە وا بڕوای بە کەسایەتی هەر مرۆڤێک وەک خۆی هەبووە. پێشەوا قەت هەوڵی نەداوە کە کور و نەوەکانی لە دوای ئەو ببنە خاوەن کورسی دەسەڵات و حوکمی وڵات هەر خۆیان بیکەن.

پارتی سەربەخۆیی کوردستان جارێکی دیکەش بەبۆنەی کۆچی دوایی کاک عەلی قازی سەرەخۆشی لە بنەماڵەی سەربەرزی قازی بەتایبەت و خەڵکی کوردستان بە گشتی دەکات.

سەرکردایەتی پارتی سەربەخۆیی کوردستان
٢٠٢٢/٠٧/١٠