بەڕێوەچوونی رێوڕەسمی چلەی کۆچی دوایی جەنابی عەلی قازی محەممەد لە شاری هەولێر :

13/08/2022

ئەمڕۆ شەممە ٢٢ی گەلاوێژی ٢٧٢٢ک " ١٣ ئۆگێستی ٢٠٢٢ ز" رێوەڕەسمی چلەی کۆچی دوایی جەنابی عەلی قازی محەممەد بەڕێوەچوو.
رێوڕەسمی چلەی کۆچی دوایی کوڕی رەش لە مزگەوتی قازی محەممەد لەشاری هەولێر بە سەرپەرشتیی خانەوادەی کۆچکردوو و پارتی ئازادیی کوردستان و بە ئامادەبوونی نوێنەرانی حکومی و حیزبیی هەرێمی کوردستان بەڕێوەچوو.
کوڕی رەش لە ساڵی ١٩٣٣ لە مەهابادی رۆژهەڵاتی کوردستان لەدایک بووە، پاش شەهیدکرانی پێشەوا لەلایان دەوڵەتی داگیرکەری ئێرانەوە بە پیلانی دوورخستنەوەی لەزێدی خۆی رەوانەی ئەڵمانیا دەکرێت. لەساڵی ٢٠٠٥ بە بەیاننامەیەکی فەرمیی هاتنی بۆ ریزی پارتی ئازادیی کوردستان راگەیاند، للەساڵی ٢٠٠٦ لە کۆنگرەی یەکەمی PAKدا بە سەرۆکی PAK هەڵبژێردرا؛ ساڵی ٢٠١٧ بەهۆی هەڵکشانی تەمەن و نەخۆشییەوە لەسەربڕیاری خۆی دەستی لە کاری سیاسی و ئەرکەکەی هەڵگرت. لە ١٠٫٧٫٢٠٢٢ لە یەکێ لە نەخۆشخانەکانی ئاڵمان کۆچی دوایی کرد.