ڕاگەیەندراوی ژمارە( 16 )ی ڕاپەڕینی کوچک و بەردی رۆژهەڵاتی داگیرکراو (ئاماری شەهید و بریندارانی یەکەم رۆژی راپەڕین)

19/09/2022

ڕاگەیەندراوی ژمارە( 16 )ی ڕاپەڕینی کوچک و بەردی رۆژهەڵاتی داگیرکراو
(ئاماری شەهید و بریندارانی یەکەم رۆژی راپەڕین)

ئەمڕۆ رۆڵە قارەمانەکانی رۆژهەڵات، لە زۆربەی شار و شارۆچکەکانی رۆژهەڵاتی داگیرکراو جوامێرانە شانیان دایەبەر ئەرکی نەتەوەییان و دژی تاوان و جەنایەتەکانی دەوڵەتی داگیرکەری فارس راپەڕین. رۆڵە سەربەرزەکانی کوردستان لە مانگرتنێکی گشتی و راپەڕینێکی گشتیی‌دا بە هاتنە سەر شەقام و  هەڵمەت‌بردنە سەر دوژمن، دوژمنیان تووشی ترس و تۆقان کرد.
هێزەکانی بەر فەرمانی تاران کە بە راپەڕین و خرۆشانی رۆڵەکانی رۆژهەڵات ترس و بیم دایگرتبوون ،کەوتنە تەقە و پەلاماردانی خەڵکی راپەڕیو و 75رۆڵەی کوردیان بریندار و 6 رۆڵەی ئازای نیشتمانیان شەهید کرد.
ئاماری وردی شەھید و بریندارەکان بەمجۆرەیە:
１- سەقز: 2 شەھید و 17 بریندار.
２- دیواندەرە: 4 شەهید و 15 بریندار
３- مەهاباد: 13 بریندار
４- بۆکان: 7 بریندار
５- کامیاران: 4 بریندار
６- قروە: 4 بریندار
７- بیجار: 7 بریندار
８- بانە: 4 بریندار 
９- تیکاب: 4 بریندار
سڵاو لە رۆحی شەهیدانی راپەڕینی کوچک و بەردی رۆژهەڵاتی داگیرکراو.
سڵاو لە خەڵکی بوێر و ئازای رۆژهەڵاتی نیشتمان.

پارتی ئازادیی کوردستانPAK
کۆمیتەی ڕاگەیاندن

٢٨ی خەرمانانی ٢٧٢٢ک
١٩ی سێپتامبری ٢٠٢٢ز