‎حیزب و لایەنە سیاسیەکانی ڕۆژهەڵاتی کوردستان خۆپێشاندانێکی هاوبەشیان لە نۆروێژ بەڕێوە برد!

02/10/2022

‎ڕۆژی هەینی ۸ی ڕەزبەری ساڵی ۲۷۲۲ی کوردی هاوکات لەگەڵ ۳٠ی سێپتەمبەری ساڵی ۲٠۲۲ی زایینی خۆپێشاندانێکی بەرینی کوردستانیان لە وڵاتی نۆروێژ بەڕێوە چوو.
‎کاتژمێر ۳ی دوانیوەڕۆ خۆپێشاندانەکە لەبەر دەم وەزارەتی دەرەوەی نۆروێژ دەستی پێکرد. دوای خوێندنەوەی چەند پەیام و وتنەوەی دروشمی جۆراوجۆر بە زمانەکانی کوردی،نۆروێژی و فارسی لەبەر دەم وەزارەتی دەرەوە، خۆپێشاندەران بەرەو جاسوسخانەی کۆماری سێدارەی ئێران لە ئۆسلۆ وەڕێ کەوتن.
‎بەڕێگاوەو لەبەردم جاسووسخانەکەش خۆپێشاندەران بە هەڵکردنی ئاڵای کوردستان و وتنەوەی دروشمی جۆراوجۆر بە زمانەکانی کوردی،نۆروێژی و فارسی، هیرشی هاژەکیی و درۆنیی کۆماری سێدارەیان بۆسەر بنکە و بارەگاکانی لایەنەکانی ڕۆژهەڵاتی کوردستان لە باشووری کوردستان بە توندی ئیدانە کرد و هاوکاتیش پشتیوانی خۆیان بۆ ڕاپەڕینەکانی ئەم دواییانەی ڕۆژهەڵاتی کوردستان و ئێران دووپات کردەوە.
‎شایانی باسە کە خۆپێشاندانەکە لەلایەن حیزب و ڕێکخراوە سیاسییەکانی ڕۆژهەڵاتی کوردستان ڕێکخرابو کە پارتی ئازادیی کوردستانیش یەکێک لە لایەنە ئاماژە پێکراوەکان بوو.
‎لایەنەکان بریتی بون لە:
‎پارتی ئازادیی کوردستان
‎حیزبی دێموکراتی کوردستانی ئێران
‎کۆمەڵەی شۆڕشگێڕی زەحمەتکێشانی کوردستانی ئێران
‎سازمانی خەباتی کوردستانی ئێران
‎کۆمەڵەی زەحمەتکێشانی کوردستان
‎ڕێکخراوی خەباتی شۆڕشگێڕی کوردستان
‎پارتی ژیانی ئازادیی کوردستان


‎پارتی ئازادیی کوردستان
کۆمیتەی رێکخستنی نۆروێژ
10 رەزبەری 2722
2 ئۆکتۆبری 2022