نگین عەبدولمەلکی لە هەمەدان، لەلایان هێزەکانی دەوڵەتی داگیرکەری ئێرانەوە شەهیدکرا

23/10/2022

نگین عەبدولمەلکی لە هەمەدان، لەلایان هێزەکانی دەوڵەتی داگیرکەری ئێرانەوە شەهیدکرا

بە گوێرەی راپۆرتی رێکخراوی هەنگاو، نگین عەبدولمەلکی خوێندکاری کورد بەهۆی لێدانی باتومەوە لەلایان هێزەکانی دەوڵەتی داگیرکەری ئێرانەوە شەهیدکرا.

نگین عەبدولمەلکی، ٢١ ساڵان، خەڵکی شاری قوروەی رۆژهەڵاتی کوردستانە، ڕۆژی چوارشەممە، ٢٠ی ڕەزبەری ٢٧٢٢ (١٢ی ئۆکتۆبەری ٢٠٢٢) لە هەمەدان لەکاتی بەشداریی چالاکانەی لە راپەڕین‌دا، لە ئەنجامی لێدانی باتۆم لە سەری لەلایان هێزەکانی دەوڵەتی داگیرکەری ئێرانەوە  ناوبراو بە سەختی بریندار بووە و دوای گەڕانەوەی بۆ بەشی ناوخۆیی کچان گیانی لەدەست داوە.

هێزە ئەمنییەکانی دەوڵەتی داگیرکەر هەڕەشەیان لە خانەوادە و هاوڕێیان و شایەتحاڵەکان کردووە کە راستی رووداوەکە بشارنەوە و هۆکاری گیانلەدەستدانی نگینیان بۆ خواردنی ماسیی قوتوی ماوە بەسەرچوو گێڕاوەتەوە.

هەنگاو رایگەیاند کە ڕێوڕەسمی ئەسپەردەکردنی نگین عەبدولمەلەکی ڕۆژی هەینی، ٢٢ی ڕەزبەر و لە ژێر چاودێری و گوشاری هێزە ئەمنییەکان لە شاری قوروە بەڕێوەچووە.

هەنگاو رایگەیاند کە دوای دوو حەوتوو لە کوژرانی ئەو کچە کوردە ئاگاداربووەتەوە و ئەو هەواڵەی بڵاو دەکاتەوە