ڕاگەیەندراوی ژمارە( 80 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

پێش 4 هەفتە

ڕاگەیەندراوی ژمارە( 80 )ی ڕاپەڕینی کوچک و بەردی رۆژهەڵاتی داگیرکراو
"ڕاپەڕین تا ڕاماڵینی داگیرکەران لە نیشتمان"

ئەمڕۆ  ١٨ خەزەڵوەر، لە پەنجا و چوارەمین رۆژی راپەڕینی رۆژهەڵاتی کوردستاندا، رۆڵە ئازا و بوێرەکانی رۆژهەڵات بە مانەوە لەسەر شەقام و گۆڕەپانی شارەکان، درێژەیان بە رابوون و بەرخۆدانی نەتەوەییان‌دا.
سەر لەبەیانی تا پاش نیوەڕۆی ئەوڕۆ خەڵکی چاونەترس و بەهەڵوێستی رۆژهەڵات لە شارەکانی سنە، بانە، سەقز، کامیاران، بۆکان، مەهاباد، مەریوان و قوروە بۆ پاڵپشتی و رێزگرتن لە چلەی شەهیدانی بەلووچ لە ئەهواز بە مانگرتن و داخستنی دوکان و بازاڕ هەڵوێستی بوێرانەی خۆیان نیشاندا.
لە پاشنیوەڕۆوە لە زۆربەی شار و شارۆچکەکانی رۆژهەڵات، لە سەقز، سنە، مەهاباد، کرماشان، بۆکان و ... هتد کچ و کوڕانی بە ورەی نیشتمان، بە هاتنە سەر شەقام و کۆڵانەکان و بە دروشم دان و سروودی ئەی شەهیدانەوە و دروشم نووسین لەسەر دیوارەکان بەردەوامییان بە راپەڕینی پەنجا و چوار ڕۆژەیان‌دا و شەقامەکانیان لە بن پێیان لەرزاند.

پارتی ئازادیی کوردستان PAK
کۆمیتەی راگەیاندن
١٨ خەزەڵوەر ٢٧٢٢ک
٩ نۆڤامبری ٢٠٢٢ز