ڕاگەیەندراوی ژمارە( 81 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

11/11/2022

ڕاگەیەندراوی ژمارە( 81 )ی ڕاپەڕینی کوچک و بەردی رۆژهەڵاتی داگیرکراو

"ڕاپەڕین تا ڕاماڵینی داگیرکەران لە نیشتمان"

ئەمڕۆ هەینی ٢٠ خەزەڵوەر ، لە پەنجا و شەشەمین رۆژی راپەڕین‌دا، رۆڵە راپەڕیوەکانی رۆژهەڵات  درێژەیان بە بەرخۆدان و رابوونی قارەمانانەیان دا.
رۆڵە ئازا و بوێرەکانی رۆژهەڵات لە بێورانی سەردەشت، لە تۆڵەی شەهیدکردنی هێمن هەمزەدا، لەبەرانبەر تاوان و جینایەتەکانی دەوڵەتی داگیرکەر وەستانەوە و بەردەوامییان بە راپەڕین‌دا و توانییان بنکەی بەسیجی  بێوران گڕتێبەربدەن و بە ئیرادەیەکی بەرزەوە درێژە بە راپەڕین بدەن.
 کچ و کوڕانی خاوەن هەڵوێست و بە ورەی رۆژهەڵات ئەمڕۆ و ئەمشەو لە شارەکانی سنە، مەهاباد، کرماشان، بۆکان، سەردەشت و دێزفول و ...هتد هاتنەوە سەر شەقام و گۆڕەپانەکان و بە دەم دروشم‌دانەوە لە راپەڕین بەردەوام بوون.

پارتی ئازادیی کوردستان PAK
کۆمیتەی راگەیاندن
٢٠ خەزەڵوەر ٢٧٢٢ک
١١ نۆڤامبری ٢٠٢٢ز