ڕاگەیەندراوی ژمارە( 82 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

13/11/2022

ڕاگەیەندراوی ژمارە( 82 )ی ڕاپەڕینی کوچک و بەردی رۆژهەڵاتی داگیرکراو
"ڕاپەڕین تا ڕاماڵینی داگیرکەران لە نیشتمان"

ئەمڕۆ ٢٢ خەزەڵوەر لە پەنجا و هەشتەمین رۆژی راپەڕینی رۆژهەڵاتی کوردستان‌دا، رۆڵە چاونەترسەکانی رۆژهەڵات بەردەوام بوون لە رابوون و راپەڕینی قارەمانانەیان.
ئەمڕۆ و ئەمشەو لە شار و شارۆچکەکانی رۆژهەڵاتی کوردستان خەڵکی بوێر و ئازای رۆژهەڵات درێژەیان بە راپەڕینی نەتەوەییان دا؛ لە زانکۆی ورمێ قوتابییانی بوێری مەڵبەندەکەی سمکۆی شکاک، بە دروشمدانەوە بەردەوام بوون لە راپەڕین؛ هەروەها لە بێورانی سەردەشت خەڵکی بەشەرەف و بەهەڵوێستی سەردەشت بە دروشمدانەوە خاوەندارێتییان لەخوێنی شەهید هێمن هەمزە کرد و بەبەشداریکردن لە رێوڕەسمەکەیدا بەردەوامیان بە هەنگاوی بوێرانەیان دا.
لە سنە، سەقز، بۆکان و خورماوا رۆڵە ئازا و بوێرەکانی رۆژهەڵات بە هەمان ورەی رۆژانی رابردوو، شەقام و کۆڵانی شارەکانیان چۆڵ نەکرد و پێداگرانە لەسەر هەڵوێست و هەنگاوی نەتەوەییان بەردەوام بوون و ئەم راپەڕین و رابوونەیان پاراست کە پەنجا و هەشت رۆژە بڵێسە دەستێنێ.

پارتی ئازادیی کوردستان PAK
کۆمیتەی راگەیاندن
٢٢ خەزەڵوەر ٢٧٢٢ک
١٣ نۆڤامبری ٢٠٢٢ز