ڕاگەیەندراوی ژمارە( 83 )ی ڕاپەڕینی کوچک و بەردی رۆژهەڵاتی داگیرکراو "بانگەوازی سەرۆکی PAK، مانگرتنی رۆژهەڵاتی کوردستان"

پێش 3 هەفتە

ڕاگەیەندراوی ژمارە( 83 )ی ڕاپەڕینی کوچک و بەردی رۆژهەڵاتی داگیرکراو
"بانگەوازی سەرۆکی PAK، مانگرتنی رۆژهەڵاتی کوردستان"

ئەمڕۆ ٢٤ خەزەڵوەر زۆربەی شار و شارۆچکەکانی رۆژهەڵاتی کوردستان بەپیر بانگەوازەکەی دوێنێی سەرۆکی PAK و حەول و ماندوو بوونی رێکخستنەکانی ناوخۆ و چالاکانی سەربەخۆوە ھاتوون بۆ مانگرتنی گشتیی. ئێستا ڕۆڵەکانی ڕۆژھەڵاتی داگیرکراو، بە مانگرتن و داخستنی دووکان و بازاڕ و نەچوونە سەرپۆلەکانی خوێندن،ئێوارەش بە هاتنەوە سەر شەقامەکان، درێژە بە راپەڕین دەدەن.
دوێنی بەڕێز حسەین یەزدانپەنا فەرماندەی گشتیی سپای میللیی کوردستان و سەرۆکیPAK، لە رێگای تەلەفزیۆنیKNNەوە بۆ وەڵامدانەوە بە ھێرشەکانی سپای پاسداران، بۆ ئەمڕۆ داوای مانگرتن و درێژەی ڕاپەڕینی لە دانیشتوانی ڕۆژھەڵاتی کوردستان کرد.
لە ئێستادا ڕەوانسەر، جوانڕۆ، کامیاران، دێولان، سنە، مەریوان، سەقز، بانە، دیواندەرە، بۆکان، مەهاباد، پیرانشار، ئیلام و شنۆ و ... ھتد، لە مانگرتندان.
پارتی ئازادیی کوردستان PAK
کۆمیتەی راگەیاندن
٢٤ خەزەڵوەر ٢٧٢٢ک
١٥ نۆڤامبری ٢٠٢٢ز