ڕاگەیەندراوی ژمارە( 95 )ی ڕاپەڕینی کوچک و بەردی رۆژهەڵاتی داگیرکراو (ڕاپەڕین تا ڕاماڵینی داگیرکەران لە نیشتمان)

25/12/2022

ڕاگەیەندراوی ژمارە( 95 )ی ڕاپەڕینی کوچک و بەردی رۆژهەڵاتی داگیرکراو
(ڕاپەڕین تا ڕاماڵینی داگیرکەران لە نیشتمان)

ئەمڕۆ ٤ی بەفرانباری ٢٧٢٢ لە چلەی شەهیدانی شارەکانی بۆکان‌ و کامیاران دا کە ھاوکاتە لە گەڵ سەدەمین ڕۆژی دەسپێکی ڕاپەڕینی ڕۆژھەڵاتی نیشتمان؛ دانیشتوانی ئەو شارانە پاش کۆبوونەوە لەسەر گڵکۆی شەھیدان، بە درووشمیەلی نەتەوەییەوە چوونە سەر شەقامەکان و ڕۆژێکی دیکەیان لە  راپەڕینی ڕاماڵینی داگیرکەر لە کوردستان؛ تۆمار کرد. 
رۆڵەکانی رۆژهەڵاتی کوردستان تا راماڵینی یەکجاریی هێزەکانی دەوڵەتی داگیرکەر لە نیشتمان، بە هەڵوێست و هەنگاوی جۆراجۆر درێژە بەم رابوونە پڕشکۆیە دەدەن و لە تێکۆشان ناوەستن. سڵاو لە شەھیدانی ڕاپەڕینی نیشتمان. سڵاو لە ئیرادەی ژنان و پیاوانی وڵاتەکەمان کە زەبر و زەنگی دوژمن لە پای نەخستوون.

پارتی ئازادیی کوردستان PAK
کۆمیتەی راگەیاندن
٤ بەفرانباری ٢٧٢٢ ک
٢٥ دیسامبری ٢٠٢٢ ز