لە بۆکان، لەئاکامی تەقینەوەیەک بەهۆی لێچوونی گازەوە شەش ئەندامی خێزانێک گیانیان لەدەست دا.

13/01/2023

ئێوارەی رۆژی پێنجشەممە ٢٢ بەفرانباری ٢٧٢٢ لە شەقامی بەهار، لە کۆڵانی وەرزشیی شاری بۆکان. بەهۆی تەقینەوەی گازەوە لە یەکێک لە ماڵەکانی ئەوشارە، شەش کەس لە ئەندامانی یەک خێزان بوونە قوربانی و گیانیان لەدەست‌دا و سێ کەسیش برینداربوون،  جێگای ئاماژەیە کە بەهۆی بەهێزیی ئەو تەقینەوەیەوە خانووەکەیان بە تەواویی رووخاوە.
دەوڵەتی داگیرکەری ئێران ھۆکاری روودانی ئەو کارەساتانەیە. خێر و بێری نیشتمانمان تاڵان دەکات بە بێ ئەوەی سڵامەتی و ئاسایشی دانیشتوانەکەی دابین بکات
پارتی ئازادیی کوردستان پرسە و سەرەخۆشی لە کەسوکاری قوربانیان و هەموو خەڵکی رۆژهەڵاتی کوردستان دەکات و پێداگریی لەسەر ئەو راستییە دەکاتەوە کە پاراستنی گیان، ماڵ، خەڵک و کەرامەت و ئاسایشی خەڵکی رۆژهەڵات لەگرەوی رزگاریی لەژێردەستەیی دەوڵەتی داگیرکەر و دامەزراندی دەوڵەتی نەتەوەیی‌دایە.