دواین هەواڵ

2023-01-22 پەیامی حسەین یەزدانپەنا، پێشمەرگەی ڕێگای سەربەخۆیی کوردستان. بە بۆنەی ٧٧ساڵەی دامەزراندنی دەوڵەتی جمهووریی کوردستان: 2023-01-13 لە بۆکان، لەئاکامی تەقینەوەیەک بەهۆی لێچوونی گازەوە شەش ئەندامی خێزانێک گیانیان لەدەست دا. 2023-01-07 ڕاگەیاندراویPAK سه‌باره‌ت به‌ ئێعدامی «محەممەد مەهدی کەرەمی» و «محەممەد حوسەینی» 2023-01-06 ئاگاداریی هەواڵگری و ئاسایشی سپای میللیی کوردستان لە مەڕ خولێکی دیکەی حەول و تەقەلاکانی دامودەزگا تێرۆریستیەکانی ئێران 2023-01-02 ئۆکڕاین؛ لەدەسپێکی ساڵی نوێی زایینییەوە 45 درۆنی ئێرانی تێکشکێنراون. 2022-12-31 ڕاگەیەندراوی ژمارە( 97 )ی ڕاپەڕینی کوچک و بەردی رۆژهەڵاتی داگیرکراو (ڕاپەڕین تا ڕاماڵینی داگیرکەران لە نیشتمان) 2022-12-26 ڕاگەیەندراوی ژمارە( 96 )ی ڕاپەڕینی کوچک و بەردی رۆژهەڵاتی داگیرکراو (ڕاپەڕین تا ڕاماڵینی داگیرکەران لە نیشتمان) 2022-12-25 ڕاگەیەندراوی ژمارە( 95 )ی ڕاپەڕینی کوچک و بەردی رۆژهەڵاتی داگیرکراو (ڕاپەڕین تا ڕاماڵینی داگیرکەران لە نیشتمان) 2022-12-20 لێدوانی پانخوازانه، خزمه‌تی یه‌کڕیزیی و ته‌بایی پارته ‌سیاسییه‌کان ناکات! 2022-12-13 ڕاگەیەندراوی ژمارە( 94 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان" 2022-12-08 ڕاگەیاندراویPAK سه‌باره‌ت به‌ ئێعدامی موحسین شکاری و شەهیدکردنی شادمان ئەحمەدی لەژێر ئەشکەنجە لەلایان دەوڵەتی داگیرکەر 2022-12-07 ڕاگەیەندراوی ژمارە( 93 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان" 2022-12-06 ڕاگەیەندراوی ژمارە( 92 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان" 2022-12-05 بە مانگرتن و خۆپیشاندان؛ پێکەوە بۆ بەردەوامیی ڕاپەڕینی ڕاماڵینی داگیرکەر 2022-12-05 ڕاگەیەندراوی ژمارە( 91 )ی ڕاپەڕینی کوچک و بەردی رۆژهەڵاتی داگیرکراو "ڕاپەڕین تا ڕاماڵینی داگیرکەران لە نیشتمان"

کوردستانی

پەیامی حسەین یەزدانپەنا، پێشمەرگەی ڕێگای سەربەخۆیی کوردستان. بە بۆنەی ٧٧ساڵەی دامەزراندنی دەوڵەتی جمهووریی کوردستان:

7 رۆژ پێش ئێستا

پەیامی حسەین یەزدانپەنا، پێشمەرگەی ڕێگای سەربەخۆیی کوردستان.                 بە بۆنەی ٧٧ساڵەی دامەزراندنی دەوڵەتی جمهووریی کوردستان:

رۆڵەکانی نەتەوەی کورد!
خوشک و برایانی راپەڕیوم  لە رۆژهەڵاتی داگیرکراو!
بە سڵاوێکی گەرمەوە، گەڕانەوەی ٧٧ ـەمین ساڵوەگەڕی دامەزراندنی دەوڵەتی جمهوریی کوردستان لە هەموو رۆڵەکانی نەتەوەکەمان و هەموو کوردستانییان پیرۆز دەکەم.
دەوڵەتی جمهووریی کوردستان بەرهەمی خەباتی دوورودرێژی نەتەوەکەمان و رەنج و خوێن و زەحمەتی سەرکردەکانی شۆڕش و ڕاپەڕینەکانی کوردستان بوو کە بە بڕیارێکی ژیرانە و باوەڕبەخۆبوونی تەواوەوە لەگەڵ هەڵکەوتنی دەرفەتی سیاسیی، لەسەر بەشێک لە خاکی نیشتمانەکەمان دامەزرا.
دەوڵەتی جمهووریی کوردستان لەماوەی ١١ مانگ تەمەنی خۆی‌دا بەجۆرێک گەشەی بە کۆمەڵگەی کۆمار دا و بەجۆرێک متمانە و باوەڕبەخۆبوونی بۆ کوردی دابەشکراوی داگیرکراو گەڕاندەوە کە بۆهەمیشە بەڵگەیەکی گرینگ و حاشاهەڵنەگرە لە حەق و لیاقەت و توانایی و لێهاتوویی کورد بۆ دەوڵەتداریی.
لەسەر دەوڵەتی جمهووریی کوردستان زۆرمان گوتووە و زۆرمان نووسیوە. شانازیی ئەوەمان پێ دەبڕێت کە دەورێکی گرینگمان گێڕاوە لە رزگارکردنی ئەو ئەزموونە پڕ سەروەرییە لە خوێندنەوەی ئێرانییانە، لە خوێندنەوەی چەپ و راست و ناواقعییانە؛ و پەرەپێدان بە خوێندنەوە و هەڵسەنگاندنێک لەسەر بنەمای نەتەوەیی و لەسەر بنەمای راستی و حەقیقەتەکانی کۆمار.
ئێستا کە پاش ٧٧ ساڵ لە دامەزراندنی دەوڵەتی جمهووریی کوردستان، لە ئاکامی خەباتی دوور و درێژی نەتەوەکەمان و راپەڕینی راماڵینی داگیرکەر لە کوردستان یان راپەڕینی ژینا دا؛ ئاسۆی ئاڵوگۆڕی سیاسی و رادانی داگیرکەر لە کوردستان و هەڵگرتنی سەروەریی ئێران لەسەر کوردستان و کۆتایی هاتنی کۆماری ئیسلامی، روونتر دێتە بەرچاو؛ بە پێویستی دەزانین لەسەر چەند خاڵێک پێدابگرینەوە و بیخەینەبەر چاو و هەڵسەنگاندنی ئێوەی خۆشەویست:
لە راستیدا لەگەڵ ئەوەدا کە ئێمە وەکوو کورد شانازیی پێشەنگبوون لە راپەڕینی ئەمجارەمان هەیە و لە سەردەمەکانی دەسەڵاتداریەتی پەهلەویی یەکەم و دووهەم و هەروەها لە ٤٤ ساڵی رابردووی تەمەنی کۆماری ئیسلامیی‌دا، کوردستان هەرگیز بۆ تاران دەستەمۆ نەبوو وخەبات و تێکۆشان و قوربانی‌دانی نەتەوەکەمان بێ‌پسانەوە درێژەی هەبووە؛ بەڵام کێشەی بنەڕەتیی کورد لەگەڵ دەوڵەتی ئێرانە، لەگەڵ دەوڵەت- نەتەوەی ئێرانە. ئەو دەوڵەت-نەتەوەیەی کە سەد ساڵ لەمەوبەر  بۆ رەزا شای پەهلەوی دروست کرا و لە رێگای پشت بەستن بە زەبر و زەنگ و پڕۆژەی ئاسمیلاسیۆن، حەول درا کە ناسنامەی نەتەوەی فارس (کە ناسنامەی ئەو دەوڵەتە لەکاتی دامەزران و تا ئێستاشە) بەسەر کورد و هەموو نەتەوە نافارسەکان‌دا بسەپێنرێت و بۆ ئەو ئامانجە سەد ساڵە کوشتار لە کورد و نەتەوە نافارسەکان لە ئارادایە. بۆیە بۆ ئەوەی کورد بە رزگاریی یەکجاریی بگات، تەنیا ئەوە بەس نییە کە سیستەمی کۆماری ئیسلامیی بڕووخێت، بەڵکوو لە بنەڕەتەوە پێویستە سەروەریی دەوڵەتی ئێران یان بە وتەیەکی‌تر سەروەریی نەتەوەی فارس لەسەر کوردستان کۆتایی پێ بێت و کورد و کوردستان لە کۆلۆنی‌بوون و چەوسانەوەی نەتەوایەتی و داگیرکران و تاڵانکرانی وڵاتەکەمان کۆتایی بێت. دەبێ تێبکۆشین لە رەهەندی خەبات دژی کۆماری ئیسلامی و لە رەهەندی کۆتایی‌‌هێنان بە تەمەنی کۆماری ئیسلامییەوە، هاوکات کۆتایی‌هێنان بە تەمەنی ئەو دەوڵەت- نەتەوە قەیرانگرتووە بێت.
حەفتاوحەوت ساڵ لەمەوبەر پێشەوا قازی محەممەد و هەڤاڵەکانی بۆیان دەرکەوت کە کورد تەنیا بە بەدەستهێنانی سەروەری و سەربەخۆیی بە ئاوات و ئامانجەکانی دەگات و تەنیا دەوڵەت و سەربەخۆییە دەتوانێ رێگای بەختەوەری و ئاسایش و پاراستن و پەرەسەندنی کۆمەڵایەتی و ئابووری و مرۆڤیی، لەسەر بکاتەوە. پێویستە جارێکی‌تر ئێمە بۆ ئەو بنەمایە بگەڕێینەوە کە کوردستان و کورد تەنیا لە کاتێکدا بە بەختەوەریی و ئازادیی و رزگاریی دەگەن و کاتێک دەتوانن هەموو بەهاکان و دەسکەوتەکانی مرۆڤایەتی لە ئامێز بگرن، کە خاوەن دەوڵەت  و خاوەن سەروەریی بن و هیچ یاسایەک لەسەرووی یاسای کوردستانەوە کە سەرچاوەکەی لە کوردستانییانەوە بێت، لەگۆڕێدا نەبێت.
تێکۆشانی ئێمە لەو پێناوەدایە. رەنج و زەحمەت و خوێنی رۆڵەکانی کورد دەبێ لەو پێناوەدا بێ هاوکات پێویستە، زۆریش پێویستە، بۆ ئەوەی بتوانین لە لایەک هێزی یاسایی بدەین بە گەیشتن بەو پێگە و ئامانجە و لەلایەکی دیکەش پشتیوانیی کۆمەڵگای نێودەوڵەتیی بۆ گەیشتن بەو ئاستە رابکێشین و بتوانین لە یاسای نێودەوڵەتی و جاڕنامەی جیهانیی مافی مرۆڤ و کۆنڤانسیۆنەکانی دیکەی پەسەندکراوی نەتەوە یەکگرتووەکان کەڵک وەربگرین، پێویستە ئەسڵی مافی دیاریی‌کردنی چارەنووس بکەین بە پڕۆژەی نەتەوەیی گەورەمان. مافێک کە لە رێگای سندووقەکانی دەنگی نەتەوەکەمانەوە، دەنگی کوردستانییانەوە دیاریی دەکرێ و عەمەلیی دەکرێت. دیارە گەیشتن بەم ئامانج و ستراتیژییانە بەر لە هەموو شتێک لە گرەوی یەکێتیی نەتەوەیی کوردستانییان‌دایە و لەو نێوەدا یەکگرتوویی و یەکڕیزی و گوتاری هاوبەش و رێککەوتنی پارتە سیاسییەکانی کوردستان. ئێمە لەم بۆنەیەدا جارێکی‌تر روو بە ئێوە کوردستانییانی خۆشەویست و هەموو پارت و لایەنە سیاسییەکانی رۆژهەڵاتی کوردستان، داوا دەکەین کە بەرەیەکی یەکگرتووی کوردستانی، لەسەر بنەمای مافی دیاریکردنی چارەنووس لە رێگای دەنگی هاووڵاتییانەوە هەرچی‌زووتر پێکبێت و ئەو بەرەیە سەرکردایەتی پڕۆسەی رزگاریی کوردستان و پاراستنی دەسکەوتەکان و پاراستنی ئاسایش و ئەمنییەتی خەڵک پاش راماڵینی هێزەکانی ئێران لە کوردستان بکات تا ئەوکاتەی کە هەلومەرجی گونجاو بۆ رێفراندۆم و بۆ هەڵبژاردنی دانانی سیستەمی سیاسیی لە کوردستان دابین دەکرێت.
   لە سەرهەڵدانی راپەڕینی کوردستانەوە کە چەخماخەی راپەڕینی لە نێو نەتەوەکانی  جوغرافیای ئێرانیش لێدا، ژمارەیەکی بەرچاو لە کەس و گروپەکانی ئۆپۆزیسیۆنی فارس و هەروەها ئەو میدایانەی کە هەڵگری ناسنامە و زبانی فارسین، گەڕێکی تریان بە خەستیی لەسەر کۆمەڵێک چەمکی سواو و بەسەرچوو دەسداوەتەوە؛ چەمک و دەستەواژەی وەکوو " جیاوازی خوازی – تجزیەطلبی" یان پێداگری لەسەر ئەسڵی " تەمامییەتی ئەرزیی ئێران" و هەروەها دووبارەکردنەوەی ئەو پێناسانە کە کورد و نەتەوەکانی نافارسی دیکە بە قەوم و  عەشیرەت و خێڵیان دادەنێن.
   گومان لەوەدا نییە کە ئامانجی ئەو کەس و دەستە و تاقمانە بەردەوامییدان بە مانەوەی دەوڵەت-نەتەوەی قەیران‌لێدراوی ئێرانە. ئەوان بە تەمای ئەوەن تەنیا بە دەستاودەست کردنی دەسەڵات بەشێوەیەکی سادە لە نێوان دوو گروپی حاکم و ئۆپۆزسیۆنی نەتەوەی سەردەست هەموو شت ببڕێتەوە و ئەو دەوڵەتەی کە بۆ رەزاشا دامەزرا پاش کۆماری ئیسلامییش بە هەمان شکڵ و شێواز و بە هەمان پێوەندیی لەگەڵ نەتەوە نافارسەکان درێژەی هەبێت؛ دەنا لە شوێنێک کە یاسای نێودەوڵەتی و جاڕنامەی جیهانیی مافەکانی مرۆڤ، ماف بە هەموو گەل و نەتەوەیەک دەدا بۆ دیاریکردنی چارەنووسی خۆی و هەروەها لە شوێنێک کە نەتەوەیەک وەک کورد لە شۆڕشی شێخ عوبەیدوڵڵای نەهرییەوە لە ١٨٨٠ ـەوە لە پێناو سەربەخۆیی‌دا خەبات دەکات، ئیتر دەستەواژەی تەجزییەتەڵەب چ مانایەکی هەیە؟ یان بابەتی تەمامییەتی ئەرزی کە ئەم رۆژانە بووەتە وێردی سەرزبانیان تێکەڵاوکردنێکی بە ئەنقەستە لە پێناو هەمان مەبەست. واتە مەبەستی دەست لێنەدان و پاراستنی دەوڵەت-نەتەوەی قەیرانگرتووی ئێران. لەبەر ئەوەی لە شوێنێک کە خاکی کوردستان، خاکی دێرینی دانیشتوانەکەیەتی، خاکی کورد و هاونیشتمانەکانی دیکەیە و هەرگیز خاکی کوردستان بەشێک نەبووە لە خاکی نەتەوەی فارس، ئیتر باس کردن لە پاراستنی تەواوییەتی ئەرزیی ئێران لە پێوەندی لەگەڵ کورددا چ مانایەکی هەیە؟ کە دیارە ئەوە لە پێوەندی لەگەڵ نەتەوە نافارسەکانی دیکەشدا هەربەوشێوەیە. هەروەها لە یاسای نێودەوڵەتی‌دا کاتێک باس لە بابەتی خاک و عەرز و تەواوییەتی خاک و عەرزی وڵاتێک دەکرێت مەبەست لە دەوڵەت یان دەوڵەتانی بەرانبەرە کە لە ململانێ و شەڕ و جەنگەکانیاندا تەماع لە خاکی یەکتر نەکەن و هەر وڵاتێک مافی خۆی بێ خاکەکەی پارێزراو بێت و دەوڵەتانی دیکە تەماعی تێنەکەن. بۆیە بۆ نەتەوەی ئێمە، بۆ رۆڵەکانی کوردستان دووبارەکردنەوەی پەیتاپەیتای ئەم چەمک و دەستەواژانە هیچ رادەیەک لە ئیرادە و سووربوونی ئێمە بۆ گەیشتن بە مافە رەواکانی خۆمان کەم ناکاتەوە. ئێمە نە داوای ماف لە دەسەلاتدارانی داگیرکەری ئێستا دەکەین، نە داوای ماف لەم دەستە و تاقمانە دەکەین، نە داوای ماف لە کەسی دیکە دەکەین؛ بەڵکوو ئەوە ئەوانن کە دەبێ درەنگ یان زوو دان بە مافەکانی ئێمەدا بنێن و ملکەچ بن بۆ ئەو مافانەی کە خودا و سروشت و یاسای نێودەوڵەتی بە نەتەوەی ئێمەی بەخشیوە.
   پێویستە هەموو لایەک چ دەسەڵاتدارانی حاکم " دەسەڵاتدارانی کۆماری ئیسلامیی"، چ کەس و دەستە و گروپ و رێکخراوەکانی ئۆپۆزیسیۆن لە پەیامی لاوانی ئەو میللەتە کە سەد رۆژیان لە نێو گڕ و خوێن و فرمێسک‌دا لەسەر شەقامەکان بردەسەر؛ و هەروەها ئەو لاوە شۆڕشگێڕە پێشمەرگانەی لەژێر ئاسمانێکی بێ قەڵغان‌دا لەبەر هاژەک و درۆنەکانی دەوڵەتی ئێران‌دا خوێنیان رژا، بەڵام هاوسەنگەرەکانیان چەکەکانیان کردەوە شانیان و سەنگەرەکانیان چۆڵ نەکردن، تێبگەن کە ئەم نەتەوەیە بڕیاری داوە چیتر بندەستی قبوڵ نەکات، چیترسەروەریی ئێران لەسەرخۆی قبول نەکات و بە ئیرادەیەکی لە چەشنی ئەو ئیرادەیەی کە ٧٧ ساڵ لەمەوبەر دەوڵەتی جمهوریی کوردستانی دامەزراند، بە دەوڵەت و سەربەخۆیی خۆی بگات و جارێکی دیکەش کۆماری کوردستان دابمەزرێنێتەوە.
جارێکی دیکە پێ لەسەر ئەو راستییە دادەگرینەوە کە تەنیا سەربەخۆیی و سەروەریی و دەوڵەتە، نەتەوەیەک لە کوشتار و بێ‌مافی و قەڵاچۆ و ئاسمیلاسیۆن دەپارێزێت و حەقیقەتێکی حاشا هەڵنەگریشە کە کۆمەڵگای نێو دەوڵەتیی بە هێز و بە یاساکانی و بە پێوەندییەکانی، ئەو نەتەوانە دەپارێزێت کە خاوەن قەوارەی سیاسین و یەکەیەکی سیاسیی سەربەخۆن لەنێو کۆمەڵگای نێودەوڵەتی‌دا.
هیوادار و ئاواتەخوازم رۆڵەکانی کوردستان شێلگیرانە جارێکی‌تر کۆماری کوردستان دابمەزرێننەوە.
لە یادی ٧٧ ساڵەی دامەزراندنی کۆماری سەروەری و سەربەخۆیی کوردستان‌دا سڵاو دەنێرم بۆ رۆحی پاکی پێشەوا قازی محەممەد، ژێنێراڵ بارزانی، هەموو شەهیدەکانی کۆمار لە دەسپێک تا کۆتایی‌دا، و هەروەها شەهیدانی کاروانی دوورودرێژی خەباتی کوردستان و شەهیدانی تازەی راپەڕینی مەزنی رۆژهەڵات و شەهیدانی سەنگەرەکانی پێشمەرگە.

حسەین یەزدانپەنا
پێشمەرگەی ڕێگای سەربەخۆیی کوردستان

٢ی ڕێبەندانی ٢٧٢٢ی کوردی
٢٢ی ژانویەی٢٠٢٣زایینی

سەرەوە