ڕاگەیەندراوی ژمارە( 98 )ی ڕاپەڕینی کوچک و بەردی رۆژهەڵاتی داگیرکراو (ڕاپەڕین تا ڕاماڵینی داگیرکەران لە نیشتمان)

01/02/2023

ڕاگەیەندراوی ژمارە( 98 )ی ڕاپەڕینی کوچک و بەردی رۆژهەڵاتی داگیرکراو
(ڕاپەڕین تا ڕاماڵینی داگیرکەران لە نیشتمان)
ئەمشەو 12 رێبەندان، خەڵکی تێکۆشەر و ئازای رۆژهەڵات لەگەڵ دەسپێکی رێوڕەسمە حکومەتییەکانی دەهەی فەجر لە ئابدانان، ئیلام،مورموری، خوی و هەمەدان بۆ رەتکردنەوەی حوکمی دەوڵەتی داگیرکەری فارس رژانەوە سەر شەقام و کۆڵانەکان و بەدەم دروشمدانەوە درێژەیان بە راپەڕینی راماڵینی داگیرکەر لە نیشتمان دا.
نەوەی نوێی رۆژهەڵات وشیارانە داکۆکی لە پرسی نەتەوەییمان دەکەن و بۆ کۆتایی هێنان بە سەروەریی سیاسیی دەوڵەتی داگیرکەر بەسەر رۆژهەڵاتەوە هەڵوێست و هەنگاوی بوێرانە دەنێن.
سڵاو لە کچ و کوڕانی راپەڕیوی رۆژهەڵات کە ماندوویی‌نەناسانە پێداگریی لەسەر بەدەسهێنانی مافە زەوتکراوەکانیان دەکەن.
پارتی ئازادیی کوردستان PAK
کۆمیتەی راگەیاندن
12 رێبەندان 2722 کوردی
1 فێورییەی 2023  زایینی