راگەیاندنی ھاوخەمیی PAK بەبۆنەی روودانی بوومەلەرزە لە باکوور و رۆژاوای کوردستان

06/02/2023

راگەیاندنی ھاوخەمیی PAK بەبۆنەی روودانی بوومەلەرزە لە باکوور و رۆژاوای کوردستان

بەرەبەیانی ئەمڕۆ ١٧ رێبەندان، بوومەلەرزەیەک لە کوردستان ڕوویدا کە باکوور و رۆژاوای نیشتمانی تووشی کارەساتێکی دیکە کرد. لە ئاکامی ئەو بوومەلەرزەیەدا ژمارەیەکی زۆر لە ڕۆڵەکانی کوردستان گیانیان لە دەستداوە. ھەروەھا ماڵ و حاڵێکی زۆریش ڕماون و وێران بوون.
دەوڵەتە داگیرکەرەکانی کوردستان، سەرەڕای بە تاڵانبردنی سەروەت و سامانی کوردستان؛ خاوەنانی راستەقینەی ئەم سەروەت و سامانەیان پشتگوێ خستووە و لە کارەساتە سرووشتییەکاندا دەغەڵی و کەمتەرخەمیی دەکەن.
پارتی ئازادیی کوردستان بەبۆنەی روودانی ئەم کارەساتە، هاوخەمیی خۆی لەگەڵ بنەماڵە و کەسوکاری قوربانییان و زیان لێکەوتووان دەردەبڕێت و داوا لە ڕۆڵەکانی نەتەوەکەمان دەکات بە ھەر شێوەیەک بۆیان دەکرێت، بە ھانای خوشک و برایانی خۆیانەوە بچن.
پارتی ئازادیی کوردستان پێ‌لەسەر ئەو راستییە دادەگرێتەوە کە تەنیا دەوڵەتی سەربەخۆی کوردستان دەتوانێ پارێزەری خەڵکی کوردستان لەبەرانبەر کارەساتە سروشتی و مرۆڤی و سیاسییەکاندا بێت.

پارتی ئازادیی کوردستان PAK
١٧ رێبەندانی ٢٧٢٢ کوردی
٦ فێورییەی ٢٠٢٣ زایینی