خاتوو سوهەیلا قازی کچی پێشەوای نەمر لە وڵاتی ئاڵمان کۆچی دوایی کرد.

25/02/2023

 هەینی 5ی رەشەمەی 2722  خاتوو سوهەیلا قازی کچی پێشەوا قازی محەممەد یەکەمین سەرۆک کۆماری کوردستان لە تەمەنی 82 ساڵی‌دا لە بۆنی وڵاتی ئاڵمان کۆچی دوایی کرد.
سوھەیلا خانم، ھەروەک زۆربەی ئەندامانی بنەماڵەی پێشەوا قازی محەممەد بە ھۆی دۆخ و تێکۆشانی سیاسییەوە، پەڕیوەی ھەندەران بوو. ئەو وەک زۆربەی ئەندامانی خێزانی پێشەوا، پێوەندییەکی پڕ و رێز و خۆشەویستیی لە گەڵ رێبەرایەتیی پارتی ئازادیی کوردستان ھەبوو.
پارتی ئازادیی کوردستان بەم بۆنەیەوە سەرەخۆشیی لە خزم و کەسوکار و بنەماڵەی گەورەی قازی و هەموو کوردستانیان دەکا و لەخوای گەورە داواکاره خوالێخۆشبێت بە بەهەشتی بەرین شاد بکات.