دیدار و پێکگەیشتنەوەی ھەڤاڵە سەربەرزەکانی بەرەکانی جەنگ

پێش 2 هەفتە

 رۆژی هەینی ڕێکەوتی ١٩ی ڕەشەمەی ٢٧٢٢ی کوردی بەرامبەر بە ١٠ی مارسی ٢٠٢٣ی زایینی کۆمیتەی ڕێکخستنیPAK، دیدار و پێکگەیشتنەوەیەکی بۆ ھەڤاڵە سەربەرزەکانی بەرەکانی جەنگ کە ماوەی خزمەتیان لە ڕیزەکانی سپای میللیی کوردستانیان سەربەرزانە بڕیوە و ساڵانێک لە بەرەکانی بەرەنگاربوونەوەی تیرۆریستانی داعش و حەشدی ئێرانیی بۆ پاراستنی خەڵک و  کیانی سیاسی کوردستان، بوون، ڕێکخست.
دیدارەکە پاش ڕاگرتنی بێدەنگی بۆ ڕێزلێنان لە شەھیدانی ڕاپەڕینی ژینا و سەنگەرەکانی پێشمەرگە لە ٣ بڕگەدا بەمجۆرە بەڕێوە چوو:
١ ) وتەکانی ھەڤاڵ خەلیل کانی سانانی وتەبێژی PAK، بە ناونیشانی«بارودۆخی رۆژهەڵاتی کوردستان، دەرفەت و مەترسیەکان، هەڵوێستی هێز و لایەنە سیاسییەکانی کوردستان لەگەڵ ئۆپۆزسیۆنی فارس و ڕوانگەی PAK.
٢) پرسی ڕۆڵ و ئەرکی ئەندامانی PAKلە هەرێمی کوردستان لەلایەن ھەڤاڵ جوانشێر رەفعەتی کارگێڕی کۆمیتەی ڕێکخستنی گشتی.
٣)ڕاخستنی خوانێکی پێشمەرگانەی پڕ خۆشەویستیی و یەکدڵیی.

پارتی ئازادیی کوردستانPAK
کۆمیتەی ڕێکخستنی گشتیی

٢٤ی ڕەشەمەی ٢٧٢٢ی کوردی
١٥ ی مارسی ٢٠٢٣ی زایینی