بەندکراوێکی کورد لە بەندیخانەی ورمێ لەسێدارەدرا

17/03/2023

ئەمڕۆ هەینی ٢٦ی رەشەمەی ٢٧٢٢ ک، محیەدین ئیبراهیمی، بەندکراوی سیاسیی کورد، پاش پێنج‌ساڵ مانەوە لە بەندیخانە بە نهێنی لەسێدارەدرا.
محیەدین ئیبراهیمی، تەمەن ٤٣ ساڵان، خەڵکی گوندی "ئاڵکاوێ"ی شنۆی رۆژهەڵاتی کوردستانە و باوکی دوو منداڵی خاوەن پێداویستیی تایبەتە، بەرەبەیانی ئەمڕۆ لە بەندیخانەی ورمێ سزای لەسێدارەدانی جێبەجێکرا.
بەگوێرەی راپۆرتی هەنگاو، ناوبراو، ١٣ی خەزەڵوەری ٢٧١٧ لەکاتی کۆڵبەری، لەلایان هێزەکانی دەوڵەتی داگیرکەری ئێرانەوە درابووە بەر دەسڕێژی گوللە و بە برینداری دەسبەسەرکرابوو.
تا دەسەڵات و سەروەریی دەوڵەتی داگیرکەری فارس بەسەر نیشتمانەکەمانەوە مابێت، گیان، ژیان و ماف و ئازادی و ئاسایشی تاک و کۆی کورد لەژێر مەترسی‌دایە و بەختەوەریی بەخۆوە نابینێت. تاکە رێگای رزگاریی یەکجاریی و  حەسانەوەی رۆڵەکانی نەتەوەکەمان دەوڵەتی سەربەخۆی کوردستان و رادانی سەرلەبەری هێزەکانی دەوڵەتی داگیرکەرە لەسەر نیشتمانەکەمان.