بەشداریی شاندێکی پارتی ئازادیی کوردستان لە دیداری نێودەوڵەتیی رەزا سەقایی

29/04/2023

بەشداریی شاندێکی پارتی ئازادیی کوردستان لە دیداری نێودەوڵەتیی رەزا سەقایی

ئەمڕۆ شەممە  9 ی گوڵانی 2723ی ک/ 29/4/2023ز شاندێکی پارتی ئازادیی کوردستان لە سلێمانی بەشدارییان کرد لە "دیداری نیودەوڵەتیی رەزا سەقایی، ئەفسانەی گۆرانی و میوزیکی لوڕی"  کە لە لایان سەنتەری هاوبەشیی لوڕ و گروپی موزیکی لوڕ بۆ رێزلێنان لە هونەرمەندیی گەورەی لوڕ رەزا سەقایی لە هۆڵی بنکەی ژین رێکخرابوو.
دیدارەکە لە دوو پانێڵی پێش نیوەڕۆ و پاش نیوەڕۆ بە بەشداریی رۆشنبیران و هونەرمەندانی لوڕ و هەموو بەشەکانی کوردستان بەڕێوەچوو. سەرەتای دیدارەکە بە خولەکێک وەستان بۆ رێزلێنان لە خوێنی شەهیدان دەستی پێ کرد؛ بڕگەکانی دیکەی دیدارەکە بریتی بوون لە پێشکەشکردنی وتار لە لایان بەشداران؛ پێشکەشکردن و وتنەوەی چەند بەرهەمێکی هونەرمەندی کۆچکردوو مامۆستا رەزا سەقایی لەلایان خاتوو مریەمی خانەساز و گروپی موزیکی لوڕ؛ دوابڕگەی دیدارەکە بە دابەشکردنی خەڵات و کتێب بەسەر هونەرمەندان و رووناکبیران کۆتایی هات.