ڕۆڵەیەکی دیکەی کورد تیرۆر کرا

13/07/2023

ڕۆڵەیەکی دیکەی کورد تیرۆر کرا

نیوەڕۆی دوێنێ 21 پووشپەری 2723ی کوردی، تەرمی بێ گیانی سیامەند شابۆیی ئەندامی حیزبی دیمۆکراتی کوردستانی ئێران لە گوندێکی نزیک بەحرکەی هەولێر دۆزرایەوە. ڕێکخەری ئەم تێرۆرە ھەروەک پێشوو مەکینەی تاوان و جەنایەتی دەوڵەتی داگیرکەری ئێرانە.
ئەمە دووهەمین تیرۆری دەوڵەتییە کە لەماوەی حەوتوویەکدا روودەدات.
بردنە سەرێی ھوشیاریی تایبەتی بەرپەرچدانەوەی تێرۆر و بەھێز کردنی ھاوکاریی نێوان ھێزە سیاسییەکانی ڕۆژھەڵاتی کوردستان، پێویستییەکی ئەم قۆناغەیە. ھەروەھا ئەندامانی حیزبە سیاسییەکانی دانیشتووی شارەکانی ھەرێمی کوردستان، پێویستە بە وریاییەوە ھەڵسوکەوت بکەن و ھەستیارانە پێوەندیی و ھاتوچۆیەکانیان ڕێکبخەن.
پارتی ئازادیی کوردستان نەفرەت لە داگیرکەر و خائینان دەکات و لەگەڵ بنەماڵەی شەھید سیامەند شابۆیی و ھەڤاڵانی  ھاوخەمیی دەردەبڕێت.