دواین هەواڵ

2024-03-01 ڕۆژهەڵاتی داگیرکراو دیسان ناسنامە و پرس و کۆڵنەدانی خۆی نواندەوە! راگەیەندراوی پارتی ئازادیی کوردستان PAK بەبۆنەی شکستی تاران لە کوردستان 2024-02-25 دیداری نێوان پارتی ئازادیی کوردستان و کۆمەڵەی زەحمەتکێشانی کوردستان 2024-02-25 کۆچی دوایی تێکۆشەری ڕێبازی سەربەخۆیی و شاعیری نەتەوەیی کوردستان، کاک پۆڵا نانەوازادە 2024-02-25 کۆچی دوایی تێکۆشەری ڕێبازی سەربەخۆیی و شاعیری نەتەوەیی، پۆڵا نانەوازادە ڕاگەیەندراوی پارتی ئازادیی کوردستانPAK 2024-02-24 دیداری نێوان حیزبی دێموکراتی کوردستانی ئێران و پارتی ئازادیی کوردستان 2024-02-21 سەدەیەک ململانێ نێوان داگیرکەران و کوردستان لە سەر سڕینه‌وه‌ و مانەوەی زمانی کوردیی به‌یاننامه‌یPAKبه‌ بۆنه‌ی ڕۆژی جیهانیی زمانی دایكیی 2024-02-18 سەردانی کۆمەڵەی شۆڕشگێڕی زەحمەتکێشانی کوردستانی ئێران لە پارتی ئازادیی کوردستان 2024-02-16 «ئاسۆ ڕوونە» ھۆنراوەی تێکۆشەر و شاعیری نەتەوەیی پۆڵا نانەوازادە 2024-02-13 بانگەوازی پارتی ئازادیی کوردستان PAK بۆ تەحریمی چالاکانەی هەڵبژاردنەکانی 11ی ڕەشەمەی دەوڵەتی داگیرکەر 2024-02-11 بەیاننامەی پارتی ئازادیی کوردستانPAK بە بۆنەی چل و پێنجەمین ساڵی ڕووخانی حکوومەتی پاشایەتی لە ئێران 2024-02-10 دەوڵەتی داگیرکەری ئێران حوکمی لەسێدارەدانی بەسەر مامۆستا محەممەد خزرنژاد سەپاند 2024-02-07 کۆچی دوایی شێخ عوسمان خالیدی تێکۆشەری دێرین و کەسایەتیی ڕۆژهەڵاتی کوردستان . 2024-02-06 کۆمەڵە و پارتی ئازادیی کوردستان کۆبوونەوە 2024-02-06 راگەیەندراوی سپای میللیی کوردستان سەبارەت بە هێرشی درۆنی سپای پاسداران بۆ سەر هەسەدە 2024-02-03 دیداری نێوان پارتی ئازادیی کوردستان و حزبی دێموکراتی کوردستانی ئێران

ڕاگەیەندراو

بەیاننامەی PAK سەبارەت بە هێرشەکانی ئێران بۆسەر هەولێر

16/01/2024

 

 

بەیاننامەی PAK سەبارەت بە هێرشەکانی ئێران بۆسەر هەولێر

    شەوی رابردوو جارێکی دیکە هەولێری پێتەختی هەرێمی کوردستان کەوتەوەبەر هێرشی هاژەکیی و درۆنیی ئێران.
سپای پاسداران وێڕای وەئەستۆگرتنی ئەنجامدانی ئەو هێرشە، لە سێ بەیاننامەی یەک بەدوای یەکدا، بیانوو و پاساوەکانی ئەو هێرشەی راگەیاند. بەڵام سەرانی تاران و هاژەکهاوێژەکانیان باشتر لە هەمووان دەزانن کە بیانوو و پاساوەکانیان دوورن لە راستی و بێبنەما و پڕوپووچن. شوێنە بەرپەلامارکەوتووەکان و قوربانییە سڤیلەکان، سەلمێنەری گومان هەڵنەگریی ئەو راستییەن.
   پێویستە کوردستانیان ئەوە بزانن کە هۆکارە بنەڕەتییەکانی هێرشەکانی ئێران بۆسەر هەرێمی کوردستان دابڕاو نیین لە ناسنامە و بنیات و توخمە بناغەییەکانی ئەو دەوڵەتە کە رەگەزە سەرەکییەکانی دژبەرییە لەگەڵ کوردستان و کورد وەک ناسنامەیەکی سەربەخۆ و هەر قەوارەیەکی کوردستانیی خاوەن سەروەریی و خاوەن ئیرادە. بە وتەیەکی دیکە رێگریی لە ئازادیی کوردستان و دەرچوونی لە بندەستی و لە دۆخی کۆڵۆنی لە هەر پارچەیەکی ئەم نیشتمانە دابەشکراوە، بەشێکە لە بنەماکانی ئاسایشی نەتەوەیی دەوڵەتی کۆڵۆنیالی فارس.
   ئەوەی لەم هەلومەرجە نێودەوڵەتی و هەرێمییەدا، ڕێدەستی بۆ ئێران ئاواڵا و سانا کردووە کە بە پانەوە و بە فەرمیی هێرش بکاتە سەر  پێتەختی هەرێمی کوردستان، لە رەهەندی ناوخۆییەوە ناکۆکی و ناتەبایی سیاسیی نێوان پارتە سیاسییەکان و دروستکەرانی بڕیاری سیاسیی هەرێمی کوردستان و لە رەهەندی دەرەکییەوە سازشکاریی و باجدانی ئیدارەی ئەمریکایە بە تاران و خەمساردیی لە حاست ئاسایش و هێمنیی هەرێمی کوردستان و دانیشتووانەکەیەتی. ئەمە لە حاڵەتێکدایە کە حکوومەتی هەرێمی کوردستان بەهۆی ملنەدانی بە ویست و ئەجندای هەرێمیی ئێران و خۆبواردن لە بوون بە بەشێک لە محوەری مقاومەت و رێنەدان بە پەڕینەوەی ئێران لە هەرێمی کوردستانەوە بەرەو سووریا، لەبەر گوشاری بێ‌پسانەوەی ئێراندایە.
   لەم هاوکێشەیەدا چاوەڕوانیی لە حکومەتی عێراق بۆ گرتنەبەری هەنگاوی بەکردەوە بەرانبەر ئێران، تەنیا کات بەفیڕۆدانە، لەبەر ئەوەی بڕیاربەدەستانی دەوڵەتی عێراق خۆیان وەک یەکەیەکی هێزی قودسی سپای پاسداران، بە دژایەتیی‌کردنی هەرێمی کوردستان لەڕێی بڕینی بووجە، پەلاماردانی هەولێر و بڕیاراتی دادگای فیدراڵی، بەڕێوبەری هەمان ستراتیژیی ئێرانن.
  لە لایەکی دیکەوە ئامۆژگارییکردنی ئێران و لە پێگە و هەڵوێستی قوربانییەوە لەگەڵیدا ئاخاوتن، هەرێمی کوردستان لە پەلامار و تیرۆریزمی دەوڵەتی ئێران ناپارێزێ. بۆیە بۆ هەرێمی کوردستان تەنیا رێگای بەربەرەکانێ و بەرپەرچدانەوە ئاواڵەیە.ڕێگایەک پشت ئەستوور بە هێزی ٥٠ میلیۆن کوردستانیی لە رۆژهەڵاتی ناوەڕاست بە پلان و ستراتیژ و رێکاری سەردەمییانەی رەق و نەرم و دیپلۆماسییەکی چالاک!
پارتی ئازادیی کوردستان PAK وێڕای راگەیاندنی هاوخەمیی لەگەڵ سەرۆکایەتی و حکومەت و خەڵکی هەرێمی کوردستان و پارتە سیاسییەکانی، سەرەخۆشیی پێشکەشی بنەماڵەی شەهیدەکانی تاوانی تاران دەکات و پشتیوانیی خۆی لە هەرێمی کوردستان و ئامادەیی بۆ هەڵگرتنی هەر ئەرکێک بۆ بەرەنگاربوونەوەی ئێران و دەست و پێوەندەکانی رادەگەیێنێتەوە.

پارتی ئازادیی کوردستانPAK
٢٦ی بەفرانباری ٢٧٢٣ک
١٦ی ژانویەی ٢٠٢٤ز

 

سەرەوە