دیداری نێوان پارتی ئازادیی کوردستان و حزبی دێموکراتی کوردستانی ئێران

03/02/2024

دیداری نێوان پارتی ئازادیی کوردستان و حزبی دێموکراتی کوردستانی ئێران

پێشنیوەڕۆی ڕۆژی شەممە ۱٤ی ڕێبەندانی ٢٧۲۳ کوردی ( ۳ی فێورییەی ٢٠٢٤ ) شاندێکی حیزبی دیموکراتی کوردستانی ئێران پێکهاتوو لە بەڕێزان تاهیر مەحمودی،
سۆران نوری ،عەلی بداغی وئامانج زیبایی، سەردانی پارتی ئازادیی کوردستانیان کرد و لەلایان شاندێکی پارتی ئازادیی کوردستان پێکهاتوو لە هەڤاڵان خەلیل نادری، ڕووبار لەیلاخی، گۆران یەزدانپەنا، وشیار ئەحمەدی وباران مهابادی بە گەرمی پێشوازی کران.
لە گفتگوویەکی گەرمی دۆستانەدا وێڕای پێداگرتنەوە لە پێوەندی و هاوکاری نێوان دوو حیزب، لەسەر دۆخی کوردستان و ناوچەکە و زەروریەتی هاودەنگی و هاوکاریی نێوان پارت و حیزبە سیاسییەکانی ڕۆژهەڵاتی کوردستان لێکدانەوە و بیروڕا گۆڕدرایەوە .
 هەروەها پرسی هەڵبژاردنەکانی دادێی مەجلیسی شۆرا و خوبرەگانی دەوڵەتی داگیرکەر و پێویستیی کۆدەنگی و هاوهەڵوێستیی لایەنەکان لە بایکۆتی چالاکانەیان وهەندێ بابەت و پرسی پێوەندیدار بە بزاڤی رزگاریخوازی ڕۆژهەڵاتی کوردستان باسەکانی ئەم کۆبوونەوەیه بوو.

پارتی ئازادیی کوردستان
۱٤ی  ڕێبەندانی  ۲۷۲۳ کوردی
۳ی  فێورییەی ۲۰۲٤زایینی