به‌یاننامه‌ی تیپی ته‌واره‌كانی ئازادیی كوردستان TAK به‌ بۆنه‌ی ٨ی مارس رۆژی جیهانیی ژن

08/03/2024

به‌یاننامه‌ی تیپی ته‌واره‌كانی ئازادیی كوردستان TAK    
به‌ بۆنه‌ی ٨ی مارس رۆژی جیهانیی ژن

ژنانی ئازا و تێکۆشەری نیشتمان!
کوردستانییانی وڵاتپارێز!
  

بە بۆنەی گەڕانەوەی ٨ی مارس، ڕۆژی جیهانیی ژن، فەرماندەیی تیپی تەوارەکانی ئازادیی کوردستان TAK پیرۆزباییەکی گەرمتان پێشکەش دەکات. لەم رۆژە نێونەتەوەییەدا کە ساڵانە بۆ ئاوڕدانەوە لە ماف و ئازادییەکانی ژنان و رێزگرتن لە پێگەیان یاد دەکرێتەوە،  لەسەر درێژەدان و بەردەوامیی خەباتی هاوتەریبی رزگاریی نەتەوەیی و یەکسانیی رەگەزیی، پەیمانتان لەگەڵ نوێ دەکاتەوە.
یادکردنەوەی رۆژی ژن بۆ ژنی کورد وەک نەتەوەیەکی بێ دەوڵەتی 50 ملیۆنی کە خەباتەکەی هاوکات لەگەڵ رەتکردنەوەی هەڵاواردن و چەسپاندنی یەکسانیی رەگەزیی؛ خەباتە بۆ هەڵگرتنی دەسەڵات و سەروەریی دەوڵەت نەتەوەکانی فارس، عەرەب و ترک لەسەر کوردستان و گەیشتن بە رزگاریی یەکجاری و سەربەخۆیی کوردستان ئاوێتە بووە؛ تایبەتمەندیی خۆی پێ دەبەخشێ.
تیپی تەوارەکانی کوردستان TAK وەک لەشکرێکی رێک و بە دیسیپلین، وێڕای بەرچاوبوونی سەرجەم فاکتەرە کەلتوورییەکانی ناو کۆمەڵگای کوردەواریی، لەسەر ئەوە سوور و پێداگرە کە هۆکاری سەرەکی و بنەڕەتی دۆخی ژنی کورد و هەموو ئەو ستەم و نادادپەروەرییانەی بوونەتە لەمپەر بۆ گەیشتن و دابینکردنی ماف و ئازادییەکانی، سێبەری سەروەری و دەسەڵاتی داگیرکەرانە لەسەر نەتەوە و نیشتمانەکەمان.
لەم بۆنەیەدا، تەوارەکانی ئازادیی کوردستان TAK لە پێناو دواییهێنان بە سەروەریی دەوڵەتی داگیرکەری فارس لەسەر کوردستان و کۆتاییهێنان بە سەرجەم ئەو کارەسات و مەینەتانەی ئاکامی ژێردەستەیی و داگیرکراویی خاک و نیشتمانەکەمانن، داوا لەسەرجەم ژنان و کچانی رۆژهەڵاتی داگیرکراو لە ماکۆوە تا یاسووج و خۆراسان دەکات روو لە ریزەکانی تەوارەکانی ئازادیی کوردستان TAK بکەن و لەم مەکۆیەوە کە مەکۆی رۆڵگێڕان و شکۆی ژنی رۆژهەڵاتە لەپێناو رزگاریی و سەربەخۆیی کوردستان و دابینکردنی یەکسانی و رەتکردنەوەی هەر جۆرە هەڵاواردن و هەر هەڕەشە و چەوسانەوەیەک کە لە دژی ژنانی نیشتمانەکەمان دەکرێ ، بەربەرەکانێ و خەبات بکەن.
لەم رۆژەدا، وێڕای سڵاو، ئەمەگ و وەفا بۆ سەرجەم ئەو ژنانەی بە درێژایی مێژووی کوردستان رۆڵی گرینگ و کارایان گێڕاوە لە خەبات و تێکۆشان دژی داگیرکەران و پاراستنی ناسنامەی نەتەوەییمان، سەری رێز دادەنەوێنین لە حاست هه‌ڤاڵانی شه‌هیدمان، سه‌عاده‌ت پیرانشاری، نیگار حسه‌ینی، سه‌با سادقی(یه‌سنا)، زارا غولامی( ئه‌وین) و سەحەر غەفاری(بێریتان كرمانج) کە لەسەنگەری پێشمەرگایەتی و  لە بەرەنگاربوونەوەی داگیرکەرانی کوردستاندا، لە‌ پێناو ئه‌و ئامانجانه‌دا، گیانیان به‌ختكرد. هەروەها دەستی ئەو ژن و کچە قارەمانانە دەگوشین کە لە ریزەکانی تەوارەکانی ئازادیی کوردستان‌ TAK بەو رۆڵەی کە لە سپای میللیی کوردستان‌دا و لە بەرەکانی جەنگ گێڕاویانە و شانازی و شکۆیان بە کوردستان بەگشتیی و رۆژهەڵاتی کوردستان بەتایبەتیی بەخشیوە.

فه‌رمانده‌یی تیپی ته‌واره‌كانی ئازادیی كوردستان TAK

18ی ره‌شه‌مه‌ی 2723 کوردی
8ی مارسی 2024 زایینی