بازدان بەسەر PAKدا، نامەشێ!

7 رۆژ پێش ئێستا نوسەر

خەلیل نادری

پارتی ئازادیی کوردستان ڕچەشکێن و داھێنەری رێبازی سەربەخۆیی و ساخکردنەوەی ناسیۆنالیزمی رزگارییدەری کوردستانی و سیاسەت و ئەدەبیاتی نەتەوەییە.... 
ھەڵبەت ئەو گۆڕەپانە نە لە پاوانی  پارتی ئازادیی کوردستان دایه  و نە پاوانخوازیی ھەڵدەگرێ. بەڵام مافی داھێنەرانە و رچەشکێنی بۆ ئەو دەگەرێتەوە. 
کەچی  دەبینین کە: 
ھێندێک کەس، ھەر لەو حاڵەدا کە وەردی ئەدەبیاتی سیاسیPAK دەدەنەوە، خۆیان لەو حەقیقەتە گێل دەکەن و لادەدەن. ئەوە نەک ھەر لە رووی ئەخلاقیەوە گرفتی ھەیە، بەڵکوو حاشا کردن لە واقعیەتی ئەوەیە کە ئەو ئەدەبیات و رێبازە بە پارتی ئازادیی کوردستاندا دەناسرێتەوە. ئارشیوی ٣٤ ساڵەمان پارێزراوە.
ھێندێکی دیکە، بە کەرەستە فکرییەکانی ئێمەوە ناسنامەیان بۆ خۆیان ساز کردووە، ئەوانە ھەمیشە رەخنە لە حیزبەکانی دیکە دەگرن کە ئامانج و سیاسەتیان نەتەوەیی نییە، کەچی خۆ لەو دەورە گرینگەی پارتی ئازادیی کوردستان لە گۆرەپانی بوونناسی پرسی کورد و دیسکۆرسی نەتەوەیی و ئەدەبیاتی نەتەوەیی ھەیەتی، گێل و نەبان دەکەن.
 حەقیقەتێک ھەیە ئەویش بریتیە لەوەی: پارادایمی سەربەخۆیی خوازی و ئەدەبیاتی سیاسیی نەتەوەیی، لە لایان پارتی ئازادیی کوردستانەوە، دروست کراوە و بەردەوامیی پێدەدرێت. ھیچکەس و لایەنێک لە دەرەوەی پاک نە گوتار و نە ڕەگەزێکی تازەی پێ زیاد نەکردوە. بەڵکوو ئەوەی ھەبووە و ھەیە، جووڵە لە ناو ئەو پارادایمەدا بووە. 
بریا وەک چۆن لە ڕۆژاوا کەسانێک کە داھێنانێکی بیر و مادی دەکەن، بەناوی داھێنەرەکانیانەوە، تۆمار دەکرێت، بیری سیاسییش لە کوردستان وا بایە. لەم حاڵەتەدا پارتی ئازادیی کوردستان پشکی شێری بەردەکەوت.