دواین هەواڵ

2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران

مەجلیسی گشتی

لێدوانی وتەبێژی پارتی ئازادیی کوردستانPAK سەبارەت بە داوا و بانگەوازەکانی یەکێتی و یەکڕیزی پارت و ڕێکخراوە سیاسییەکانی ڕۆژهەڵاتی کوردستان

10/10/2022

لێدوانی وتەبێژی پارتی ئازادیی کوردستانPAK
سەبارەت بە داوا و بانگەوازەکانی یەکێتی و یەکڕیزی پارت و ڕێکخراوە سیاسییەکانی ڕۆژهەڵاتی کوردستان

   بە دوای بڵاو بوونەوەی نامەیەکی سەر ئاوەڵا بە واژۆی ژمارەیەک کەسایەتیی کە لە لایان بەڕێز کاک جەعفەر تیکانتەپەوە بۆ پێکهێنانی کۆبوونەوەیەکی گشتیی نێوان پارتە سیاسییەکانی ڕۆژهەڵاتی کوردستان ڕێکخرا بوو و، پێشوازیی پارتی ئازادیی کوردستان و وەڵامی فەرمیی بەڕێز سەرۆکی PAK بەو نامەیە؛ بانگەوازێکی دیکەش بە واژۆی دەیان چالاکی بوارە جیاوازەکان«بۆ یەکێتی و یەکڕیزی حیزب و ڕێکخراوە سیاسییەکانی ڕۆژهەڵاتی کوردستان» گەیشتووەتە دەستمان. لەو بانگەوازەدا هێندێک بنەما و هەنگاوی باش بۆ ڕێککەوتن، پێشنیار کراون.
 پارتی ئازادیی کوردستان، پێشوازیی خۆی لەو بانگەوازە و ناوەرۆکەکەی ڕادەگەیەنێت و بە حەولێکی بەرپرسانە و دڵسۆزانە بۆ پڕ کردنەوەی بۆشاییەکی گەورەی ناو بزاڤی سیاسیی ڕۆژهەڵاتی کوردستانی دادەنێت.
 پارتی ئازادیی کوردستان ئامادەیی تەواو دەردەبڕێت بۆ ڕێکخستن و دابینکردنی هەموو پێویستییەکانی کۆبوونەوەیەکی گشتیی حیزب و لایەنەکانی ڕۆژهەڵاتی کوردستان.
پارتی ئازادیی کوردستان  بۆ یەکێتی و یەکڕیزی پارت و لایەنە سیاسییەکانی ڕۆژهەڵاتی کوردستان ، تەنیا لە ماوەی ٣ مانگی پێشوودا ئەم هەنگاوانەی هەڵگرتووەتەوە:
١-  بڕیارنامەی مەجلیسی گشتییPAK سەبارەت بە پێویستیی پێکهێنانی بەرەیەکی کوردستانی لە ١٠ی پووشپەڕی ٢٧٢٢ک( ١ژووئییەی ٢٠٢٢ز) .
٢-لێدوانی وتەبێژیPAK بۆ کۆبوونەوەی بە پەلەی حیزب و لایەنەکانی ڕۆژهەڵاتی کوردستان لە ١ی ڕەزبەری ٢٧٢٢ک(٢٣ی سێپتامبری٢٠٢٢ز).
٣- ناردنی نامەی تایبەت بۆ هەرکام لە حیزب و ڕێکخراوەکانی ڕۆژهەڵاتی کوردستان لە١٢ی پووشپەڕی٢٧٢٢ک(٣ی ژووئییەی ٢٠٢٢ز). 
٤- وەڵامنامەی سەرۆکی PAK بە نامەی سەرئاوەڵای کەسایەتییەکان لە ۳ی ڕەزبەری ۲۷۲۲ ک(٢٥سێپتامبری۲۰۲۲ ز).
٥- لێدوان و پەیامەکانی سەرۆکی PAK پاش دەسپێکی ڕاپەڕینی ڕۆژهەڵاتی کوردستان  و دوای هێرشەکەی ئێران بۆ سەر حیزبەکانی ڕۆژهەڵات .
 هەر لێرەوە هاوکات بە پێویستی دەزانیین، پێشوازیی لە وەڵام و هەڵوێستی هەرکام لە ناوەندی هاوکاریی حیزبەکانی کوردستانی ئێران و کۆمەڵە- رێکخراوی کوردستانی حیزبی کۆمۆنیستی ئێران بە نامە سەرئاوەڵاکەی کەسایەتییەکان بۆ کۆبوونەوەی بەپەلەی گشتیی، دەرببڕین.

خەلیل نادری
وتەبێژی پارتی ئازادیی کوردستانPAK
١٨ی ڕەزبەری ٢٧٢٢ک
١٠ی ئۆکتۆبری٢٠٢٢ز

 

سەرەوە