هێرشی هێزەکانی بەرفەرمانی تاران بۆ سەر خەڵکی گوندی ئاقدەرە لە تیکاب

31/07/2023

هێرشی هێزەکانی بەرفەرمانی تاران بۆ سەر خەڵکی گوندی ئاقدەرە لە تیکاب

بەگوێرەی راپۆرتی رێکخراوی مافی مرۆڤیی هەنگاو، دوای ئەوەی خەڵکی گوندی ئاقدەرە بەهۆی دانەمەزراندیان لە کانی زێڕی ئەو گوندە ناڕەزایەتییان دەربڕی، سەرلەبەیانیی ئەمڕۆ دووشەممە ٩ی گەلاوێژی ٢٧٢٣کوردی لانیکەم ١٠٠ کەس لە هێزەکانی دەوڵەتی داگیرکەری ئێران پەلاماری خەڵکی ئەو گوندەیان داوە و دەیان کەسیان بریندار کردووە و لانیکەم ٥٠ کەسیان دەسبەسەر کردووە.
هێزەکانی بەرفەرمانی تاران بێبەزەییانە پەلاماری خەڵکیان داوە و بەو پەڕی توندوتیژییەوە کەوتووەتە گرتن و دەسبەسەرکردنی خەڵکی راپەڕیو و ناڕازی.
تەنانەت دەستیان لە تێکدانی خانوو و سەیارەی خەڵک نەپاراستووە.
ئاسایش، ئارامی و ئۆقرەی خەڵکی کوردستان لە گرەوی رزگاریی یەکجاریی کوردستان و راماڵینی سەرلەبەری هێزەکانی دەوڵەتی داگیرکەرە لەسەر نیشتمانەکەمان.
بەردەوامیی دەسەڵات و سەروەریی دەوڵەتی داگیرکەری فارس بەسەر کوردستانەوە، بەواتای درێژەکێشانی ئەو کارەسات و تاوانانەیە کە سەت ساڵە بەرانبەر بە رۆڵەکانی نەتەوەکەمان گیراوەتەبەر.

ناوی بەشێک لەو کەسانەی ئەمڕۆ لەلایەن هێزەکانی دەوڵەتی داگیرکەری ئێرانەوە دەسبەسەر کراون و ناسنامەیان بۆ رێکخراویی مرۆڤیی هەنگاو ئاشکرا کراون:
١_ عەبدوڵڵا ئافتابی ٢_ زەکەریا یارئەحمەدی ٣_ فەرهاد ئەنووشە ٤_ خدر بەهرامیان ٥_ پەیام بەهرامیان ٦_ عەبدوڵڵا خەسرەوی ٧_ کامڵ خەسرەوی ٨_خەلیل ئافتابی ٩_خالید موئمنی ١٠_عارف موئمنی ١١_عەلی موئمنی ١٢_ مزەفەر پەرموودە ١٣_پەیامن پەرموودە ١٤_محەممەد خەسرەوی ١٥_عادڵ خەسرەوی ١٦_مێهران خەسرەوی ١٧_ئیسماعیل موئمنی زادە ١٨_ عەلی موئمنی زادە ١٩_ئەسغەر یارئەحمەدی ٢٠_کامڵ ئەنووشە ٢١_مەحموود بەرفەر ٢٢_ڕامین تەیمووری ٢٣_جەلیل ئێرانپووڕ ٢٤_مەنسوور ئەرجومەندخا ٢٥_ئیسماعیل ئافتابی ٢٦_ئیسماعیل تەیموورین٢٧_ جەماڵ ئێرانپوور ٢٨_ داریووش نیگزاد ٢٩_ سامان پەرموودە