فەردین جەعفەری خەڵکی شاری سەقز ٢٥ خەرمانانی ٢٧٢٣ ک لە ساڵڕۆژی شەهیدکرانی ژینا؛ لەلایان هێزەکانی دەوڵەتی داگیرکەرەوە بە تەقەی راستەوخۆ بریندار کرا و دۆخی ناجێگیرە

16/09/2023

فەردین جەعفەری خەڵکی شاری سەقز
٢٥ خەرمانانی ٢٧٢٣ ک لە ساڵڕۆژی شەهیدکرانی ژینا؛
لەلایان هێزەکانی دەوڵەتی داگیرکەرەوە بە تەقەی راستەوخۆ بریندار کرا و دۆخی  ناجێگیرە

بەگوێرەی راپۆرتی رێکخراوی مافی مرۆڤیی هەنگاو، ئەمڕۆ شەممە، ٢٥ خەرمانانی ٢٧٢٣ ک ، فەردین جەفەری، خەڵکی سەقز، لە رێگای نێوان سەقز _ بانە  و نزیک گۆڕستانی ئایچی، لەلایان هێزەکانی بەرفەرمانی تاران بەر گوللـە دەدرێ و بەسەختی بریندار دەکرێ.
ئەمڕۆ ٢٥ی خەرمانان و ساڵوەگەڕی شەهیدکرانی ژینا لەلایان دەوڵەتی داگیرکەری ئێڕانەوە، لەسەر بانگەوازی حیزبەکانی رۆژهەڵاتی کوردستان و رێکخراو و چالاکانی مەدەنی لە زۆربەی شاروشارۆچکەکانی رۆژهەڵاتی کوردستان مانگرتنی گشتیی بەڕێوەچوو.
دەوڵەتی داگیرکەری ئێران بە میلیتاریزەکانی سەرجەم شاروشارۆچکەکان، نیشانی داوە چەندە ترس و دڵەڕاوکێی لە یەکگرتوویی و یەکڕیزیی رۆڵەکانی ئەم نەتەوەیە هەیە.