03/10/2023

 

یەکشەممە ٩ی رەزبەری ٢٧٢٣ کوردی، ئارمیتا گەڕاوەند، کچە کوردی کرماشانیی تەمەن ١٦ ساڵان، لە میترۆی "شوهەدا"ی تاران بەبیانووی رەچاونەکردنی حیجاب دەکەوێتەبەر پەلاماری هێزەکانی گەشتی ئیرشادی ئێران و لەئاکامدا لەهۆش خۆی دەچێت و دەڕواتە حاڵەتی کۆماوە.
پاش گواستنەوەی بۆ نەخۆشخانەی فەجری تاران، هێزێکی زۆر لە دەوری نەخۆشخانەکە کۆبوونەتەوە و تەنانەت رێگا نادرێ هیچ کەسێک یان هیچ یەک لە ئەندامانی بنەماڵەکەی سەردانی بکەن.
هێرش و پەلامارە یەک لە دوای یەک و جۆراوجۆرەکانی هێزەکانی ئێران بۆ سەر رۆڵەکانی نەتەوەکەمان لەژێر هەر بڕوبیانوو و پاساوێکدا، ئەوە دەسەلمێنێتەوە کە پێوەندیی نێوان کورد و ئێران، پێوەندیی نێوان داگیرکراو و داگیرکەرە؛ و تاوەکوو کورد نەبێتە خاوەنی دەوڵەت و سەروەریی خۆی، ئەم کارەساتانە دواییان نایە.