پێشوازی پارتی ئازادیی کوردستان لە حیزبی زەحمەتکێشانی کوردستان

08/09/2019

 پێشوازی پارتی ئازادیی کوردستان  لە حیزبی زەحمەتکێشانی کوردستان.


  کاتژمێر 10 سەر لەبەیانی  رۆژی شەممە، 16 خەرمانانی2719 بەرامبەر بە 7 سێپتامبری 2019، لە شاری هەولێر پارتی ئازادیی کوردستان_PAK پێشوازیان لە شاندێکی حیزبی زەحمەتکێشانی کوردستان کرد کە پێکهاتبوون لە بەرێزان:بێکەس قادر ئەندامی مەکتەب سیاسی و بەرپرسی مەکتەبی پەیوەندیەکان، خاتوو سۆما عەلی ئەندامی کۆمیتەی ناوەندی و جێگری بەرپرسی مەکتەب و بەرێز جەعفەر هاشم ئەندامی مەکتەبی پەیوەندیەکانیان ،هەروەتر شاندی پێشوازی کاری PAK پێکهاتبوون لە هەڤاڵان خەلیل نادری وتەبێژی سیاسی ،  هەژار وەلیزادە بەرپرسی پەیوەندییەکانی PAK لە شاری هەولێر و گۆران یەزدانپەنا ئەندامی پەیوەندییەکانی پارتی ئازادیی کوردستان.
لەو دیدارەدا  دەرفەت و لەمپەڕەکانی بەر دەم خەباتی نەتەوەی کورد لە  رۆژهەڵاتی کوردستان و هەروەتر بارودۆخی ئێستای باشووری کوردستان باس کرا و تیشک خرایە سەر یەکریزی و تەبای زیاتری  پارتەکانی رۆژهەڵاتی کوردستان لەم قۆناغەی ئێستادا. جێی ئاماژەیە باسی مافی دیاری کردنی چارەنووس وەک سەرەکی ترین خاڵی هاوبەشی نێوان حیزب و لایەنە‌ سیاسیەکان باس کرا کە دەتوانێ هەوێنی لێک تێگەیشتن و یەکخستنی ناو ماڵی کورد بێ لە هەر چوار پارچەی کوردستان.


لە کۆتای دانیشتنەکەدا جەخت کرایەوە لە پەیوەندی  دۆستانە و بەردەوامی هەر دوو پارتەکە لەسەر بابەتە نەتەوەی و سیاسیە کانی کوردستان و ناوچەکە.


کۆمیتەی راگەیاندن
پارتی ئازادیی کوردستان_PAK
17ی خەرمانانی 2719
8ی سێپتامبری  2019