حوکمی لە سێدارەدانی روحوڵا زەم دەرچوو

02/07/2020

غوڵامحوسێن ئیسماعیلی وتەبێژی دەسەڵاتی دادوەریی ئێران رایگەیاند کە روحوڵا زەم، بەڕێوەبەری کاناڵی تێلێگرامیی ئامەدنیوس، بە ساغ‌بوونەوەی ۱۳ تۆمەت لەسەری کەتیایدا بە موفسید فیلئەرز"مفسد فې الارض" زانراوە، حوکمی لەسێدارەدانی بۆ دەرچووە.
باسی لەوەش کرد کە حوکمەکە، حوکمی کۆتایی نییە و دەتوانرێ لە دیوانی باڵای دەوڵەت تانەی لێ بدرێ.
روحوڵا زەم لە چوارەمین جەلەسەی دادگادا، زۆربەی تۆمەتەکانی رەت کردووەوەتەوە و وتوویە کە رۆژنامەوانە و کاری رۆژنامەوانیی دەکا و سەرجەم ئەو تۆمەتانەی کە بۆ تێکدان و شێواندنی نیزامیی ئابووریی رووبەڕووی کرابووەوەی رەت کردەوە.
ئەو تۆمەتانەی رووبەڕووی کراوەتەوە:
۱- مفسد في الارض
۲- دروست‌کردن و ئیدارەکردنی کاناڵی ئامەدنیوس و دەنگی خەڵک بۆ تێکدانی ئەمنییەتی وڵات
۳- سیخوڕی کردن بۆ ئیسرائیل بە هاوکاریی یەکێ لە وڵاتانی ناوچەکە
٤- سیخوڕی کردن لە بەرژەوەندیی دامودەزگا زانیارییەکانی فەڕەنسا
٥- هاوکاریی کردنی ئامریکا لەدژی ئێران
٦- کۆبوونەوە و رێککەوتن بەمەبەستی ئەنجامدانی تاوان دژی ئەمنییەتی ناوخۆ و دەرەوەی وڵات.
۷- چالاکیی و بەشداریی کردن لە رێکلامی بەرفراوان دژی کۆماری ئیسلامی؛ لە بەرژەندی سازمانە دژە کانی ئێران.
۸-ئەندامێتی و بەڕێوبەریی پایەگای هەواڵنێریی معاند سحام نیوز بۆ تێکدانی ئاسایشی وڵات.
۹- هاندانی خەڵک بۆ شەڕ و کوشتار بۆ تێکدانی ئاسایشی وڵات
۱۰- بەشداریی و کوکردنەوەی زانیاریی و ریزبەندیی کردنیان بە مەبەستی ناردنیان بۆ لایەنانی دیکە بۆ تێکدانی ئاسایشی وڵات.
۱۱ بەشداریی کردن لە بڵاوکردنەوەی درۆ بە شێوەی فراوان.
۱۲-هاندانی کاریگەر لەسەر هێزەنیزامییەکان بۆ هەستانەوە و تەسلیم بوون و جێبەجێ‌نەکردنی ئەرکەکانیان
۱۳- بێ‌ڕێزیی کرد بە پیرۆزییەکانی ئیسلام.
۱٤- بێڕێزی کردن بە بنیاتنەری کۆماری ئیسلامی و رێبەرەکەی
۱٥-بێڕێزیی کردن بە مەعموور و پلەدارەکان لەکاتی ئەنجامدانی ئەرکەکانیان.
۱٦- بەدەست هێنانی دارایی بەرێگەی نامەشروع بە بڕی ۹۷هەزار و ٥٥۰ یۆرۆ
۱۷- سکاڵای چەندین کەسی یاسایی و سروشتی