لێدوانی وتەبێژیPAKلە مەڕ پەلاماردرانی بارەگایPDKوبێرێزی بە ئاڵای کوردستان (پەلاماردانی ئاڵای پیرۆزمان ، زیاتر هانمان دەدا بۆ شه‌كاندنه‌وه‌ی)

30/10/2020

PAZADIK: ئەمڕۆ شه‌ممه ۱۷ی ئۆکتۆبری٢٠٢٠، لە بەغدای پێتەختی دەوڵەتی عێراق، لەلایان ژمارەیەک لە گروپ و تاقمەکانی بەر فەرمانی تاران و عەرەبی شۆڤینیست و دژبەرانی کورد و مافەڕەواکانی، هێرش کرایە سەر لقی ٥ی پارتی دیموکراتی کوردستان. هێرش بەران و ئەوانەی سێ ساڵە داخی گرانی شکستەکەی پردێیان لە دڵدا هەڵگرتووە، پەلاماری ئاڵای کوردستان سێمبۆلی پیرۆزی نەتەوەی مەزنی کورد و بەیداخی دەوڵەتی دیفاکتۆی کوردستانیان داو بێرێزییان پێکرد.
پارتی ئازادیی كوردستان، بێڕێزی بە ئاڵای کوردستان و ھێرش بۆ سەر بارەگای پارتی دێموکراتی کوردستان به‌ توندی مه‌حكووم ده‌كا و هیواداره‌ نەتەوەی کورد و هێزە سیاسییەکانی لە حاست ئەو دەستدرێژییە بۆسەر پیرۆزییەکانی، بە یەکگرتوویی هەڵویست بنوێنن. هاوکات ئەو رەفتار و پەلامارە ببێته‌ هانده‌رێك بۆ رۆڵه‌كانی نه‌ته‌وه‌كه‌مان له‌ هەموو كوردستان كه‌ به‌ هه‌ر شێوه‌یه‌ك بۆیان ده‌كرێ، ئاڵای كوردستان، هه‌ڵكه‌ن و شه‌كاوه‌تری راگرن.
دەستدرێژیی و سوکایەتی بێبڕانەوە بە مرۆڤی کورد و بە ئاڵای کوردستان لەلایان دەوڵەتان و نەتەوە سەردەست و داگیرکەرەکان، ئەو ڕاستیە دەسەلمێنن کە ھیوا و پڕۆژەکانی پێکەوەژیانی کورد لەگەڵ ئەو نەتەوانە لەچوارچێوەی دەوڵەتێکدا ، بەهەدەردانی وزەو تواناکانی کورد و جوڵانەوەکەیەتی؛ ڕێگا چارەی پرسی کورد و ستراتیژی دروستی بزووتنەوەی ڕزگاریخوازیی کوردستان، سەربەخۆیی و پێکهێنانی دەوڵەتی نەتەوەییە.
شه‌كاوه‌ بێ ئاڵای پیرۆزی كوردستان
وته‌بێژی پارتی ئازادیی كوردستانPAK
٢٦ی رەزبەری٢٧٢٠کوردیی
١٧ی ئۆکتۆبری٢٠٢٠ زایینی