کۆڵبەرێکی کورد لە سنووری سەردەشت، بە تەقەی هێزەکانی داگیرکەر ، گیانی لەدەستدا.

15/10/2021

کۆڵبەرێکی کورد لە سنووری سەردەشت، بە تەقەی هێزەکانی داگیرکەر ، گیانی لەدەستدا.

 کۆڵبەرێکی کورد لە ناوچەی ئالانی سەردەشت لە کاتی کۆڵبەریی‌دا لە لایەن هێزە داگیرکەرەکانی ئێرانەوە کوژرا.
ژیان عەلی پوور ی 32 ساڵان خەڵکی گوندی بێژوێی سەردەشت،  پێنجشەممە 14,10,2021 / 22,7,2721 لەکاتی کۆڵبەریی‌دا لە ناوچەی ئالانی سەردەشت بە تەقەی راستەوخۆی هێزەکانی دەوڵەتی ئێرانەوە لە پایەگای بێتووشی ئەو شارەوە گیانی سپارد. 
ژیان  برای هوشمەندی عەلی پور دیل و زیندانیی سیاسیی کورد و باوکی دوو منداڵە.
جێی ئاماژەیە، کە ڕۆژانە کوشتاری کۆڵبەران و کاسپکارانی کورد لەسەر سنورە دەسکردەکان لەلایان  هێزەکانی دەوڵەتی داگیرکەرەوە بەردەوامە،کە بۆ دابینکردنی نان و بژێوی ژیان ڕێگای سەختی کۆڵبەرییان گرتۆتەبەر، هەروەها پێویستە ئەو ڕاستییە بڵێینەوە ، کە هەموو ئەو کارەسات و نەهامەتیانە لە ئاکامی نەبوونی  دەوڵەت و سەروەری سیاسی و بندەستی ی نەتەوەکەمانە.