ئەردەشێر زاهیدی زاوای شای رژێمی دژە کوردی پێشووی ئێران مرد

18/11/2021

ئەردەشیر زاهێدی زاوای پێشووی محەممەد رەزا شای پەهلوەی و یەکێک لە سیاسەتمەدارانی دەوڵەتی پێشووی ئێران، کە خاوەنی چەند پۆستێکی باڵای حکومیی بووە لەو سەردەمەدا، لەوانە باڵوێزی دەوڵەتەکەی شا لە ئەمریکا و بریتانیا، وەزیری دەرەوە و دوواتر سەرۆک وەزیران.
زاهێدی هاوسەری "شەهناز پەهلەوی" کچی شای پێشووی ئێرانە و دوای کودەتای ٢٨ گەلاوێژ ١٣٣٢ هەتاوی بووە سەرۆک وەزیرانی ئێران و دەستێکی باڵای لە سەرکوتی نەتەوە ژێردەستەکانی ئێران بە گشتی و نەتەوەی کورد بەتایبەتیدا هەبووە. 
جێگای ئاماژەیە سەرەڕای ئەوەی لە دەرەوەی ئێران دەژیا، بەڵام  بەردەوام بوو لە پشتگیریی کردنی قاسم سولەیمانی و لایەنگرێکی سەرسەختی پرسی ئەتۆمیی ئێران بووە.
دوای رووخانی رژێمی شاهەنشاهیی ئێران چووەتە دەرەوە و لە سوئیس ژیاوە، ئەمڕۆ لە تەمەنی ٩٣ ساڵی‌دا مرد.