پێشێلکردنی مافی مرۆڤ لە مانگی گەڵارێزان لە رۆژهەڵات چەند بووە؟

22/11/2021

لە راپۆرتێکدا کە رۆژی دووشەممە 1 سەرماوەزی 2721 (22 نۆڤامبری 2021)، بڵاوکراوەتەوە هاتووە کە تەنیا لە مانگی گەڵارێزانی ئەمساڵدا، 103 حاڵەتی پێشێلکردنی مافی مرۆڤ لە رۆژهەڵاتی کوردستان تۆمار کراوە و لانیکەم 4 زیندانیی، لە زیندانەکاندا کوژراون. 
بەپێی راپۆرتی ماڵپەڕی هەنگاو، تەنیا لە ماوەی ئەو مانگەدا، 10 کۆڵبەر و کاسبکاری کورد لە ناوچە سنوورییەکان لە لایان هێزەکانی کۆماری ئیسلامییەوە بەر دەسڕێژی گوللە دراون، کە چوار کەس لەم کاسبکارانە گیانیان لەدەستداوە. 
هەروەها هەنگاو دەڵێ، ئەو چوار زیندانییە کە لە زیندانەکاندا کوژراون، لە زیندانەکانی ورمێ و سنە بوون. 
لە راپۆرتەکەدا هاتووە کە شەش کەس لە شارەکانی سەردەشت، مێهران قەسری شیرین و بانە، لە ئاکامی تەقینەوەی مین پێیاندا، کەسێك گیانی لەدەستداوە و پێنج کەسی دیکەش بریندار بوونە. 
هەروەها، زیاتر لە 
 هاووڵاتیی کورد لە شارەکانی رۆژهەڵاتی کوردستان بە تۆمەتی سیاسیی قۆڵبەستکراون و پێنچ چالاکی سیاسی و مەدەنییش بەگشتی بە  15 ساڵ و 9 ساڵ و هەروەها 60 لێدانی قامچی، حوکمدراون..
لە کۆتایی راپۆرتەکەدا هاتووە کە لەو مانگەدا، 9 کرێکار لە شارەکانی پیرانشار، قوروە، میاندواو، سنە و پاوە، لە کاتی کارکردندا گیانیان لەدەستداوە.