بۆ رازیکردنی ئەمریکا دژی ئێران، سەرۆکی مووساد دەچێتە ئەو وڵاتە

05/12/2021

بڕیارە رۆژی یەکشەممە 14 سەرماوەز (5 دێسامبر)، داڤید بارنێئا،بە سەفەرێک بگاتە ئەمریکا و لەگەڵ بەرپرسانی باڵای ئەو وڵاتە کۆببێتەوە و رازییان بکات بەشوێن رێککەوتن لەگەڵ تاران نەبن.
ئەم سەفەرەی داڤید بارنێئا سەرۆکی دەزگای هەواڵگریی ئیسرائیل مووساد، پاش چەند رۆژ لە بێئاکامیی وتووێژەکانی ڤیین دێت. رۆژنامەی هائارتسی ئیسرائیلی ئەم سەفەری بە گرینگ ناوبردووە و نووسیویەتی لەم سەفەرەدا ناوبراو زانیاریی نوێ و گرینگ، سەبارەت بە بەرنامەی ناوەکیی تاران رادەستی ئەمریکییەکان دەکات. 
کاربەدەستانی ئیسرائیل دەیان جار دژایەتی خۆیان لە گەڕانەوەی ئەمریکا بۆ بەرجام راگەیاندووە و نیگەرانیی خۆیان راگەیاندووە کە لە ئەگەری سەرکەوتنی وتووێژەکان دەیان ملیارد بگاتەوە بە دەستی تاران، بەڵام لە دروستکردنی بۆمبی ئەتۆم رانەوەستن.