هەنگاو راپۆرتی پێشێلکارییەکانی مافی مرۆڤی مانگی سەرماوەزی 2721 بڵاو کردەوە.

22/12/2021

بەگوێرەی ئامارە بڵاوکراوەکانی رێکخراوی هەنگاو لە مانگی سەرماوەزی ئەم ساڵدا  زیاد لە ٦٩ حاڵەتی پێشێلکاریی تۆمار کراون کە بەم چەشنەیە:

⚫️ کۆڵبەران و کاسبکاران 27حاڵەت تۆمار کراوە:
3 کەسیان گیانیان لەدەست داوە، کە یەکیان بەهۆی بەربوونەوە و دوویان بە تەقەی راستەوخۆی هێزەکانی دەوڵەت کوژراون.
24 حاڵەتی برینداربوون بەهۆی  تەقەی هێزەکانی دەوڵەت و بەشێکیان بەهۆی رووداو و بەبوونەوە.

⚫️ ئێعدام 3 حاڵەت:
دوو هاووڵاتی خەڵکی سنە و کامیاران، هەروەها حەیدەر قوربانی کە خەڵکی کامیاران بوو لە زیندانی سنە لە سێدارە درا.

⚫️ دەسبەسەرکردن و دەرکردنی حوکم 31 حاڵەت:
31 حاڵەتی دەسبەسەرکردن و حوکم بەسەردا سەپاندن کە 28 هاووڵاتی بە تۆمەتی سیاسیی دەسبەسەرکراون و 3 کەسیش حوکمیان بەسەردا سەپێنراوە.

⚫️ تەقینەوەی مین و کوژران و بریندارکردنی 4 حاڵەت :
بەهۆی تەقینەوەی مینەوە لە سنوورەکانی پارێزگای ورمێ، ئیلام و کرماشان ٣ کەس برینداربوون. کەسێکیش لە کرماشان بە تەقەی راستەوخۆی هێزەکانی دەوڵەت کوژراوە.

⚫️ کرێکاری4 حاڵەت:
4 کرێکار لەکاتی کارکردندا بەهۆی رووداوەوە گیانیان لەدەست داوە.