ئێران هێرشەکەی ئیسراییل بۆ سەر بەندەری لازقییە مەحکووم کرد

29/12/2021

دوێنێ سێشەممە ٢٨/١٢/٢٠٢١ میدیاکانی سووریا رایگەیاند  فڕۆکە شەڕکەرەکانی ئیسراییل هێرشیان کردووەتە سەر بەندەری لازقییە.
بەندەری لازقییە کە گرینگترین بەندەری بازرگانیی سووریایە لە دەریای ناوەڕاست؛ لە ساڵی ٢٠١١ ەوە و پاش هەڵگیرسانی شەڕی ناوخۆ لە  سووریا ئەوە دووهەمین جارە هێرش کراوەتە سەر ناوەندی سەرەکیی بارهەڵگریی ئەو وڵاتە؛ لە یەکەمین هێرش‌دا کە ئیسراییل کردییە سەر ئەم بەندەرە ناوەندە نیزامییەکانی ئێران و میلیشیاکانی حیزبوڵای لوبنانی کردبووە ئامانج.
لەم هێرشەدامیدیاکانی سووریا رایانگەیاند لەم هێرشەدا کە ئەو کانتینێرانەی بەر هێرش کەوتن و زیانیان بەرکەوت کە هەڵگری رۆنی بزوێنەر و پارچەی یەدەگی ئۆتۆمبێل و کەرەستەکانی دیکەی گواستنەوە بوون.
بەپێی سەرچاوەکانی هەواڵ لەم هێرشانەدا دوو کەس میلیشیاکانی سەر بە دەوڵەتی سووریا کوژراون  و سێی دیکەش بریندار بوون.
لەلای خۆیەوە سەعید خەتیب زادە وتەبێژی وەزارەتی دەرەوەی ئێران ئەم هێرشەی ئیسراییلی بۆ سەر بەندەری لازقییە لە سووریا مەحکووم کرد و بە پێشێلکردنی یاسا نێودەوڵەتییەکانی لە قەڵەم دا؛ هەروەها داوای لە وڵاتان و کۆمەڵگەی نێودەوڵەتی کرد کە "ڕێوشوێنی پێویست بگرنەبەر" بۆ ڕێگریکردن لە دووبارەبوونەوەی ئەم جۆرە هێرشانە.