دواین هەواڵ

2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران 2024-03-28 پەیامی سەرۆکیPAK بە بۆنەی ١٠ی خاکەلێوە و سێزدەبەدەری کوردستان:

هونەر و وێژە

کۆمەڵە شێعری (ئاکۆ ئەلیاسی)بە ناوی رۆح بە خاکەوە بەندە چاپ و بڵاو کرایەوە

14/01/2022

کۆمەڵەشیعری "ڕۆح بە خاکەوە بەندە" چاپ و بڵاو کرایەوە
کۆمەڵەشیعری "ڕۆح بە خاکەوە بەندە" لە نووسینی ئاکۆئەلیاسی، شاعیری کورد کە پێنجەمین بەرهەمی شیعرییە، لە هەرێمی کوردستان چاپ و بڵاو کرایەوە.
ئەم کۆمەڵەشیعرە لە دووتوێی ٣٠٤ لاپەڕە و لە بڵاوکراوەکانی ناوەندی نووسەرانی کوردستانە و لە بەڕێوەبەرایەتیی گشتیی کتێخانە گشتییەکان، ژمارە سپاردنی (١٠)ی ساڵی ٢٠٢٢ی پێدراوە و بە تیراژی ٥٠٠ دانە لە چاپخانەی ڕۆژهەڵات لە هەولێر چاپ کراوە.
کاری دیزاینی بەرگ و ناوەوەی لەلایەن هونەرمەند ئاسۆ مامزادەوە جێبەجێ کراوە کە بە بەرگ و گرافیکێکی سەرنجڕاکێشی هونەرییانەوە ڕازێندراوەتەوە.
لەم کۆمەڵە شیعرەدا عادڵ قادری (زەهاوی) نووسەر و ڕەخنەگری لاو خوێندنەوەیەکی ڕەخنەگرانە و هەمەچەشنی بۆ ئەم بەرهەمەی ئاکۆ ئەلیاسی کردووە و لەژێر سەردێڕێ "ئەدەب لە نێوان جەنگ و ئایدۆلۆژیدا" وەک پێشەکی لە کتێبەکەدا گونجێندراوە.
عادڵ ئەلیاسی، ناسراو  بە (ئاکۆ ئەلیاسی) لە ساڵی ١٣٤٨ی ھەتاوی (١٩٧٠)ی زایینی، لە ئاوایی "ئەلیاسی خەلیفە حوسێن" لە (دەشتی زەھاو)ی سەر بە پارێزگای کرماشان لەدایک بووە.
- لە پاش شۆڕشی گەلانی ئێران، لە سەردەمی شەڕی ئێران - عێراق، لە پاییزی ساڵی ١٩٨٠ەوە، ئاوارە و پەڕیوەی عێراق، هەرێمی کوردستان و ئەورووپا بووە.
- لە تەمەنی گەنجێتییەوە دەستی بە خوێندنەوە و چالاکیی ئەدەبی کردووە و لە تەمەنی ١٨ ساڵییەوە بە فەرمی دەستی بە نووسینی شیعر کردووە.
 - یەکەم شیعری لە تەمەنی ١٩ ساڵی و لە گۆڤاری "لاوان"ی "ئۆرگانی یەکیەتیی لاوانی دێمۆکراتی کوردستانی ئێران" لە بناری چیای قەندیل، چاپ و بڵاو بووەتەوە.
- ساڵی ١٩٩٢، یەکەم نامیلکە شیعری بە ناوی " چوار گڵۆپ" لە  سلێمانی، لە چەندین نوسخەدا چاپ و بڵاو کراوەتەوە.
- لە بەشێک لە گۆڤار و بڵاوکراوە کوردییەکانی ئەوکاتی عێراق، وەک: "ڕۆژنامەی  ھاوکاری، پاشکۆی عێراق، ئاسۆ، گۆڤاری کاروان و ڕەنگین" شیعر، پەخشان و بابەتی ئەدەبیی بڵاو بووەتەوە.
- لە ساڵی ١٩٩٣، یەکێک لە دامەزرێنەران و بەڕێوەبەرانی گۆڤاری "بانگەواز" بووە کە لە ئۆردووگای ڕوومادی چاپ و بڵاو دەبووەوە.
- لە ساڵی ١٩٩٥ەوە، نیشتەجێی وڵاتی سویسە و لێرەش، لەگەڵ زۆربەی گۆڤار و ڕۆژنامە کوردییەکانی دەرەوەی وڵات هاوکاریی هەبووە و شیعر و بابەتی ڕەخنەی و ئەدەبی بڵاو کردووەتەوە. لە ساڵی ٢٠٠٠ەوە، یەکێک لە دامەزرێنەرانی گۆڤاری "ژیار"ە بووە لە سویسرا.
 تا ئێستا پێنج کۆمەڵەشیعری بەناوەکانی (چوار گڵۆپ، سۆزی شاعیرانە، پاییز بە بۆنی گەڵاوە، یادی پیرۆز و ڕۆح بە خاکەوە بەندە) لە سوید و کوردستان چاپ و بڵاو کردووەتەوە.

 

سەرچاوە: باس نیوز

سەرەوە