کۆمیتەی بەڕێوەبەردنی 31کەمین ساڵیادی دامەزرانی پاڕتی ئازادیی کوردستان دووهەمین کۆبونەوەی خۆی بەڕێوە برد!

18/04/2022

ئێوارەی ڕۆژی هەینی 26ی خاکەلێوەی ساڵی 2722ی کوردی هاوکات لەگەڵ 15ی ئاپریلیی ساڵی 2022ی زایینی، کۆمیتەی بەڕێوەبەری 31کەمین ساڵیادی دامەزرانی پاڕتی ئازادیی کوردستان دووهەمین کۆبونەوی خۆی لە ڕێگەی تۆڕی میدیایی (Zoom)بەڕێوە برد.
کۆبونەوەکە بە سرودی نەتەوەیی ئەی ڕەقیب و خولەکێک بە بێ دەنگی وەستان بۆ ڕێزگرتن لە گیانی پاکی شەهیدی سەرکردە کاک سەعید یەزدان پەنا و سەرجەم شەهیدانی ڕێگای ڕزگاری کوردستان دەستی پێ کرد.
‎دواتر هەڤاڵ ئەفشار ئەقدەسی بەرپرسی نوێنەرایەتی ئوروپای پارتی ئازادیی کوردستان کورتەیەکی لەمەڕ تەوەری کۆبونەوەکە پێشکەش کرد و داوای کرد کە هەرکام لە هاوڕێیانی ئامادەبوو سەرنج و تێبینیەکانی خۆیان بخەنە ڕوو.
‎جێگەی ئاماژە پێ کردنە کە بە چڕ و پڕی باس لە ڕەهەندە جیاوازەکانی بەڕێوەبردنی ساڵیادێکی شیاو کرا و چەند بڕیارێکیش بۆ ئەو مەبەستە پەسند کران.
سەرچاوەی هەواڵ راگه‌یاندن
پارتی ئازادیی کوردستانPAK
نوێنەرایەتی ئورووپای
27ی خاكه‌لێوه‌یساڵی 2722ی کوردی
16ی ئاپریلی ساڵی 2022ی زایینی