ئازادیی راگەیاندن لە ئێران بەپێی ریزبەندیی رێکخراوی پەیامنێرانی بێسنوور

04/05/2022

بە پێ راپۆرتی رێکخراوی پەیامنێرانی بێ سنوور لە ساڵی ۲۰۲۲، ئێران لە بواری "ئازادیی راگەیاندن" و چۆنییەتی بەڕێوبردنی لە نێو ۱٨۰ وڵات، لە پلەی ۱۷٨مدایە و تەنیا دوو وڵاتی " ئەریترە" و "کۆریای باکوور" لە پلەکانی خوارتری ئێرانن. بەپێی ئەم راپۆرتە نەرویج ھێشتا لەسەروو ریزبەندیی باشترین وڵاتە کە رێزی رۆژنامەگەریی تیادا دەگیرێت. کۆمەڵێک لە خاڵەکانی ئەم ریزبەندییە بریتین لە؛ ئاستی سانسۆر، کۆنتڕۆڵی راگەیاندن و فیلترینگ و دۆخی ئێنترنێت، توندوتیژی لە دژی رۆژنامەنووسان، زیندان کردن و تەنانەت کوشتنیان. 
جێگای ئاماژەیە لە بواری رۆژنامەنووسی لە رۆژهەڵاتی کوردستان کار کردن زۆر سنووردارە و ئەوەی بیەوێت کاربکات، بێجگە لەوەی ناتوانێت سەربەخۆ بێت، ناشتوانێت هیچ بابەتێکی سیاسی تایبەت بە کورد بڵاوبکاتەوە و وەکوو هێڵی سوور دانراوە.